छत्रपती संभाजीनगरच्या एन-2 भागात मध्यधुंद अवस्थेत असलेल्या एका कारचालकाने घरासमोर उभ्या असलेल्या दोन कारना जोरदार धडक दिली. सलग दुसऱ्या दिवशी सुसाट वेगाने धडकण्याचा प्रकार घडला आहे. ही घटना एपीआय कॉर्नरवरून एन-2 भागाकडे जाणाऱ्या मार्गावर घडली.
या अपघातात कोणतीही जीवितहानी झाली नाही, मात्र उभ्या असलेल्या दोन कारचं मोठं नुकसान झालं आहे. अपघातानंतर कारमध्ये असलेले पाच जण घटनास्थळावरून फरार झाले. अपघातग्रस्त कारमध्ये असलेले सर्व जण मद्यधुंद अवस्थेत होते, अशी माहिती घटनास्थळावर जमलेल्या नागरिकांनी दिली.
अपघाताच्या घटनेनंतर संतप्त नागरिकांनी घटनास्थळी जमून जाळपोळ केली. या घटनेने परिसरात काही काळ तणावाचं वातावरण होतं. पुढील तपासासाठी पोलीस घटनास्थळी दाखल झाले असून फरार आरोपींचा शोध सुरू आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EWGD6GJ4OQPBO1WIPiOfkA
*जाहिरातीसाठी_संपर्क करा 8329014805*