आगामी विधानसभा निवडणुकीच्या पार्श्वभूमीवर छत्रपती संभाजीनगरमधील राजकीय घडामोडींना वेग आला आहे. इम्तियाज जलील यांना औरंगाबाद पूर्व मतदारसंघातून उमेदवारी देण्यात आली आहे. त्यामुळे या ठिकाणी थेट तिहेरी लढत होणार आहे.
एमआयएमने याआधीच निवडणूक स्वतंत्रपणे लढवण्याचे संकेत दिले होते. त्यांच्या उमेदवारीची यादी तयार असल्याचे जलील यांनी सांगितले होते. अखेर 26 ऑक्टोबरच्या रात्री जलील यांना औरंगाबाद पूर्व या जागेची अधिकृत उमेदवारी मिळाली. या निर्णयामुळे एमआयएमच्या कार्यकर्त्यांमध्ये आनंदाचे वातावरण आहे.
औरंगाबाद पूर्व हा मतदारसंघ अल्पसंख्याक मतदारांची मोठी संख्या असलेला आहे, त्यामुळे इम्तियाज जलील यांची उमेदवारी महत्त्वाची ठरणार आहे. या ठिकाणी महायुतीकडून भाजपाचे नेते अतुल सावे रिंगणात उतरले आहेत, तर महाविकास आघाडीने काँग्रेसचे उमेदवार एम के देशमुख यांना तिकीट दिले आहे. त्यामुळे या मतदारसंघात आता थेट तिहेरी लढतीची अपेक्षा आहे.
मतदारसंघात या उमेदवारांमध्ये रंगतदार लढत पाहायला मिळणार असल्याने मतदारांच्या मनात कोणता उमेदवार स्थान मिळवतो, हे पाहणे उत्सुकतेचे ठरणार आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/CO4fHlr5ZNK2r7chONnpJe
*जाहिरातीसाठी_संपर्क करा 8329014805*