छत्रपती संभाजीनगर विधानसभा निवडणुकीच्या पार्श्वभूमीवर छत्रपती संभाजीनगर पूर्व विधानसभा मतदारसंघातील महायुतीचे उमेदवार अतुल सावे यांनी शक्तिप्रदर्शन करत गजानन मंदिरापासून भव्य वाहन रॅलीचे आयोजन केले. या रॅलीला भाजपा पदाधिकारी, कार्यकर्ते आणि नागरिकांचा मोठा प्रतिसाद लाभला.
गजानन मंदिर येथून सुरुवात झालेल्या या वाहन रॅलीत शेकडो वाहनांचा सहभाग होता. रॅलीत सहभागी झालेल्या कार्यकर्त्यांनी घोषणाबाजी करत मतदारांपर्यंत अतुल सावे यांचा विकासाचा अजेंडा पोहोचवण्याचा प्रयत्न केला. नागरिकांच्या उत्स्फूर्त सहभागामुळे रॅलीला अधिकच रंगत आली.
महायुतीचे पदाधिकारी व कार्यकर्ते या रॅलीच्या माध्यमातून मोठ्या संख्येने रस्त्यावर उतरले. या रॅलीने निवडणुकीच्या प्रचाराला आणखी वेग दिला असून, मतदारांमध्ये महायुतीच्या उमेदवारांबद्दल सकारात्मक वातावरण निर्माण केले.
रॅलीदरम्यान अतुल सावे यांनी नागरिकांना थांबून संवाद साधला. त्यांनी छत्रपती संभाजीनगर पूर्व मतदारसंघाच्या विकासासाठी महायुतीला पाठिंबा देण्याचे आवाहन करत, मतदानाद्वारे आपला विश्वास व्यक्त करण्याचे सांगितले.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/HWWuRmwKsMAJMm50qaLtCn
*जाहिरातीसाठी_संपर्क करा 8329014805*