निराला बाजार परिसरात आज दुपारी दोन वाजता एका थरारक अपघाताची घटना घडली. महिला चालकाचे कारवरील नियंत्रण सुटल्याने कारने मोपेडला जोरदार धडक दिली आणि नंतर पार्किंगमध्ये उभ्या असलेल्या ८ दुचाकींना जोरदार धडक दिली. या अपघातात मोपेडस्वार तरुण दूर फेकला गेला, तर पार्किंगमध्ये असलेला दुसरा तरुण थोडक्यात बचावला.
प्राप्त माहितीनुसार, नागेश्वरवाडी ते निराला बाजार रस्त्यावर एचडीएफसी बँकेजवळ महिला चालकाने कार सुरू केली. परंतु, गाडीवरील नियंत्रण सुटल्याने कारने वेगाने समोरील रस्त्यावर जाणाऱ्या मोपेडला धडक दिली. यामुळे मोपेडस्वार तरुण दूर फेकला गेला. अपघातानंतरही कार थांबली नाही आणि थेट पार्किंगमध्ये घुसून सात ते आठ दुचाकींना धडक दिली. यावेळी पार्किंगमध्ये असलेला एक तरुण देखील अडकून खाली पडला, परंतु कार लागलीच थांबल्याने पुढील अनर्थ टळला.
या अपघातात दोन तरुण थोडक्यात बचावले आहेत, मात्र पार्किंगमधील दुचाकी वाहनांचे मोठे नुकसान झाले आहे. प्रत्यक्षदर्शींच्या माहितीनुसार, अपघातानंतर महिला चालक कारमधून उतरून घटनास्थळावरून पसार झाली आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EWGD6GJ4OQPBO1WIPiOfkA
*जाहिरातीसाठी_संपर्क करा 8329014805*