छत्रपती संभाजीनगर शहरातील हिट अँड रनच्या घटना थांबण्याचे नाव घेत नाहीत. सोमवारी (३० सप्टेंबर) सायंकाळी पाच वाजता नगर रोडवर एक पांढऱ्या रंगाची स्कॉर्पिओ गाडीने तुफान धडक देत तीन वाहनांना धडकवले. या घटनेत दुचाकीवर प्रवास करणारा अडीच वर्षाचा चिमुकला आणि त्याचे आई-वडील तसेच इतर तिघे गंभीर जखमी झाले आहेत. जखमींवर सध्या रुग्णालयात उपचार सुरू आहेत. या घटनेची नोंद छावणी पोलीस ठाण्यात झाली असून, स्कॉर्पिओ चालक फरार आहे.
या घटनेच्या काही वेळानंतर होलीक्रॉस भागातही स्कॉर्पिओ गाडीने एका मोपेडला धडक दिली. या अपघातात अब्दुल वासेफ (वय २८) आणि त्याचे दोन साथीदार गंभीर जखमी झाले आहेत. स्थानिक नागरिकांनी त्वरित मदत करून जखमींना घाटी रुग्णालयात दाखल केले. यानंतर वाळूज रोडवर महालक्ष्मी माता मंदिराजवळ दुचाकीला धडक देत अडीच वर्षांच्या चिमुकल्याला जखमी केले. या सर्व घटनांनंतरही स्कॉर्पिओ चालक थांबला नाही आणि आणखी एका चारचाकीला धडक दिली. या मालमत्तेच्या नुकसानीबाबत कारचालकांनी छावणी पोलीस ठाण्यात तक्रार दाखल केली आहे.
दरम्यान, शनिवारी (२८ सप्टेंबर) निराला बाजार रोडवर एका भरधाव कारने आठ वाहनांना धडक दिली होती, ज्यात दोघे जखमी झाले. आरोपी फरार आहे. रविवारी ठाकरेनगरातही मद्यधुंद अवस्थेत असलेल्या अविनाश शिंदे या तरुणाने आपल्या चारचाकीने तीन वाहनांना धडक दिली होती. या घटनेत मुकुंदवाडी पोलिसांनी आरोपीला अटक केली आहे, मात्र त्याचे चार साथीदार अद्याप फरार आहेत.
शहरातील सलग हिट अँड रनच्या घटनांमुळे नागरिकांमध्ये भीतीचे वातावरण निर्माण झाले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EWGD6GJ4OQPBO1WIPiOfkA
*जाहिरातीसाठी_संपर्क करा 8329014805*