Burglary in Satara area, CCTV damaged, valuables worth 6.88 lakh stolen
शहरातील सातारा परिसरातील सुधाकरनगर येथे अज्ञात चोरट्यांनी बंद घर फोडून तब्बल ६ लाख ८८ हजार रुपयांची चोरी केल्याची घटना उघडकीस आली आहे. ही घटना १८ फेब्रुवारी सकाळी ८ वाजता ते २१ फेब्रुवारी दुपारी १२ वाजण्याच्या दरम्यान घडली आहे.
फिर्यादी आपल्या कुटुंबासह बाहेर गेला असताना, संधी साधून अज्ञात चोरट्यांनी घराच्या कुलूप तोडून आत प्रवेश केला. विशेष म्हणजे, घरात प्रवेश केल्यानंतर चोरट्यांनी सीसीटीव्ही कॅमेऱ्यांची तोडफोड करून कोणताही पुरावा मागे राहू नये याची दक्षता घेतली. त्यानंतर त्यांनी घरातील मौल्यवान वस्तू आणि रोख रक्कम लंपास केली.
चोरीला गेलेल्या मालामध्ये ४ ग्रॅम वजनाचा सोन्याचा तुकडा (३५ हजार रुपये किंमत), ४ हजार रुपये किमतीचा DVR सिस्टम आणि ६ लाख ५० हजार रुपये रोख रक्कम असा एकूण ६ लाख ८८ हजार रुपये किंमतीचा ऐवज चोरीला गेला असल्याचे समोर आले आहे.
या घटनेची नोंद संबंधित पोलिस ठाण्यात करण्यात आली असून, पोलीस उपनिरीक्षक काळे यांनी गुन्हा नोंदवून पुढील तपास पोउपनि भंडारे यांच्याकडे सोपवला आहे. पोलिसांनी तपास सुरू केला असून, सीसीटीव्ही फुटेज आणि स्थानिक माहितीच्या आधारे चोरट्यांचा शोध घेतला जात आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/Br29avqYAlRCU4ytjYm4PJ
*जाहिरातीसाठी_संपर्क करा 8329014805*