छत्रपती संभाजीनगर शहरातील टीव्ही सेंटर भागात अस्वच्छ केळी विक्रीचा धक्कादायक प्रकार उघड झाला आहे. या संदर्भातील एक व्हिडिओ सध्या सोशल मीडियावर वेगाने व्हायरल होत असून, शहरात खळबळ उडाली आहे. व्हिडिओमध्ये एक केळे विक्रेता रस्त्यावरील खराब पाण्यात पोते भिजवून ती केळ्यांवर अंथरताना दिसत आहे. या अस्वच्छ पद्धतीमुळे नागरिकांच्या घरात दूषित केळी पोहोचत असल्याने आरोग्याचा गंभीर प्रश्न निर्माण झाला आहे.
महाराष्ट्र नवनिर्माण सेनेचे पदाधिकारी चंदू नवपुते यांनी हा प्रकार उघडकीस आणला आहे. त्यांनी तातडीने सिडको पोलीस ठाण्यात निवेदन दिले असून, या प्रकरणाची चौकशी करण्याची मागणी केली आहे. मनपाच्या पथकाने या घटनेची दखल घेत परिसराची पाहणी केली, मात्र तो विक्रेता सध्या ठिकाणी आढळला नाही.
सदर घटना ऐन नवरात्रोत्सवात समोर आल्याने नागरिकांमध्ये संतापाची लाट उसळली आहे. प्रशासनाने अशा विक्रेत्यांवर कडक कारवाई करावी, अशी मागणी जोर धरत आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/E3cu6nJZUyE6deFZQWJ9le
*जाहिरातीसाठी_संपर्क करा 8329014805*