सिडको उड्डाणपुलावर मुलासोबत दुचाकीने प्रवास करणाऱ्या एका महिलेच्या गळ्यातील तीन तोळ्यांची सोन्याची मोहन माळ स्पोर्ट बाईकवर आलेल्या चोरट्यांनी हिसकावून पळ काढला. ही घटना ३० ऑक्टोबर रोजी सकाळी ११ वाजता घडली.
फिर्यादी शोभा कपिल कुमार जगताप (वय ६१, रा. आर के कन्स्ट्रक्शन, हिरापूर) या त्यांच्या मुलासोबत हायकोर्ट सिग्नलकडे जात असताना मागून आलेल्या काळ्या स्पोर्ट बाईकवर असलेल्या दोघांनी त्यांच्या गळ्यातील १ लाख ५० हजार रुपये किमतीची तीन तोळ्यांची मोहन माळ हिसकावली. अचानक घडलेल्या या घटनेमुळे शोभा जगताप घाबरल्या व त्यांनी आरडाओरड केली, परंतु चोरटे सुसाट बाईकवरून पळून गेले.
घटनेच्या ठिकाणी असलेले सीसीटीव्ही कॅमेरे तपासून, दोन्ही चोरट्यांचे फुटेज पोलिसांच्या हाती लागले आहे. या प्रकरणी पुंडलिकनगर पोलिस ठाण्यात अज्ञात चोरट्यांविरुद्ध गुन्हा दाखल करण्यात आला आहे. उपनिरीक्षक अनिल उसूलकर पुढील तपास करत असून, सीसीटीव्ही फुटेजच्या आधारे चोरांचा शोध सुरू आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/Ft8fsQP39yQGkQlB6iF90j
*जाहिरातीसाठी_संपर्क करा 8329014805*