छत्रपती संभाजीनगर शहर आणि मतदारसंघाच्या सर्वांगीण विकासासाठी सर्वांनी एकत्र येऊन मतदान करावे आणि महायुतीला पुन्हा संधी द्यावी, असे आवाहन औरंगाबाद पूर्व मतदार संघातील महायुतीचे उमेदवार अतुल सावे यांनी केले आहे. मागील निवडणुकीत मतांचे विभाजन झाले, ते या वेळी होऊ नये, अशी आठवण देत त्यांनी मतदारांना एकसंघ राहण्याचे आवाहन केले.
शुक्रवारी गारखेडा परिसरातील न्याय नगर, वार्ड क्रमांक 79 येथे आयोजित पदयात्रेदरम्यान सावे यांनी नागरिकांशी संवाद साधला. यावेळी जेसीबी मधून फुलांची उधळण करत नागरिकांनी त्यांचे स्वागत केले. सावे यांनी या संवादात स्थानिकांच्या समस्या समजून घेत त्यावर चर्चा केली.
“पुढील पाच वर्षांत मतदारसंघाच्या विकासासाठी महायुतीला संधी द्या,” असे आवाहन करत सावे यांनी विकासकार्यांवर भर दिला.
या प्रसंगी गजानन मनगटे, दत्ता भांगे, त्र्यंबक राजपूत, विश्वनाथ शिंदे, नागेश भालेराव, लक्ष्मीकांत थेटे, आकाश राऊत, कविता शिंदे, कुणाल राऊत, मंगलमूर्ती शास्त्री, मनीष सोनवणे, स्वप्नील जाधव, कौशल्य राजपूत, सुनीता जगदाळे, प्याराबाई सिंगल, देवकाताई बिगोत, सुवर्ण धानोरकर, सुवर्णा तुपे, गीता कापुरे, भाग्यश्री राजपूत, माधुरी साळुंके, शिल्पा भोसले, अंजली वडजे, ताराचंद गायकवाड, सूर्यवंशी जायभाय, श्रीराम सिसोदे, वामन शिंदे, अशोक गोरे, अशोक दामले, कैलास राठोड, विशाल पुंड, रामेश्वर शेळके, अर्जुन सरोसे, विकास नरोडे या महायुतीच्या पदाधिकारी आणि कार्यकर्त्यांसह नागरिकांची मोठ्या संख्येने उपस्थिती होती.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/Ft8fsQP39yQGkQlB6iF90j
*जाहिरातीसाठी_संपर्क करा 8329014805*