महायुतीचे उमेदवार यांच्या प्रचारार्थ पंतप्रधान नरेंद्र मोदी यांच्या जाहीर सभेचे आयोजन चिकलठाणा एमआयडीसीतील ग्रॅहमफर्थ मैदानावर १४ नोव्हेंबरला करण्यात आले आहे. या सभेसाठी मोठी गर्दी होण्याची शक्यता असल्याने शहर पोलिसांनी वाहतूक व्यवस्थेत बदल केला आहे.
वाहतूक बदलानुसार, बुधवारी दुपारी १२ ते ४ या वेळेत जळगाव टी पॉईंट ते केम्ब्रिज चौक मार्ग बंद राहणार आहे. यासाठी पर्यायी मार्ग देखील निश्चित करण्यात आले आहेत.
शहराबाहेर जाणारे वाहनचालक: जळगाव टी पॉईंट-सिडको एन-१ चौक- वोखार्ड टी- लहुजी साळवे चौक- नारेगाव टी मार्गे सावंगी बायपास कडून केम्ब्रिज चौकापर्यंत प्रवास करू शकतात.
शहरात येणारे वाहनचालक: बीड बायपास, झाल्टा फाटा, केम्ब्रिज चौक, सावंगी बायपास, नारेगाव टी, लहुजी साळवे चौक, वोखार्ड टी मार्गे एन-१ चौक कडून जळगाव टी पॉईंटपर्यंतचा मार्ग वापरावा.
वाहतूक व्यवस्थेतील या बदलामुळे सभेच्या ठिकाणी वाहतुकीची कोंडी टाळता येईल, असे पोलिसांनी सांगितले.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/HWWuRmwKsMAJMm50qaLtCn
*जाहिरातीसाठी_संपर्क करा 8329014805*