छत्रपती संभाजीनगर येथे दिवाळीनिमित्त मुलांसाठी कपडे खरेदी करण्यासाठी पैठण गेट येथे गेलेल्या एका ३८ वर्षीय महिलेला रिक्षाचालकाकडून धक्कादायक अनुभव आला आहे. शिवाजीनगरला जाण्यासाठी घेतलेल्या रिक्षाचालकाने महिलेला चुकीच्या दिशेने नेऊन शिवीगाळ केली आणि तिची छेड काढली. घाबरलेल्या महिलेने आपल्याबरोबर असलेल्या मुलांसह चक्क धावत्या रिक्षातून उडी मारली. महिलेच्या आरडाओरडीनंतर नागरिकांनी हस्तक्षेप करून रिक्षाचालकाला पकडले आणि पोलिसांच्या स्वाधीन केले. ही घटना २४ ऑक्टोबर रोजी रात्री साडेनऊच्या सुमारास घडली.
रिक्षाचालक एहसान खान इमाम खान (३९, रा. खोकडपुरा) या आरोपीने महिलेला शिवाजीनगरच्या दिशेने नेण्याऐवजी प्रतापनगरातील अंधाऱ्या भागात नेले. महिलेला त्याने मुलासोबत ठार मारण्याची धमकी दिली व तिच्यासोबत अश्लील वर्तन केले. घाबरलेली महिला आरडाओरड करू लागली व नागरिकांच्या मदतीने तिने मुलांसह रिक्षातून उडी मारली.
महिलेच्या आवाजाने स्थानिक नागरिक घटनास्थळी जमा झाले. त्यांनी रिक्षाचालकाला पकडून त्याला चोप दिला. काही वेळाने पोलिसही घटनास्थळी पोहोचले आणि रिक्षाचालकाला ताब्यात घेतले. यानंतर महिलेने घटनेबद्दल पोलिसांत तक्रार दाखल केली आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/CO4fHlr5ZNK2r7chONnpJe
*जाहिरातीसाठी_संपर्क करा 8329014805*