छत्रपती संभाजीनगर जिल्ह्यातील पैठण तालुक्यातील लाखेगाव येथे एक हृदयद्रावक घटना घडली आहे. देशसेवेसाठी नेहमी तत्पर असलेला जवान करण कच्छे काही दिवसांच्या सुट्टीसाठी आपल्या गावी आला होता. मात्र, गावातील विहिरीत घडलेल्या दुर्दैवी घटनेने त्याचा जीव गमवावा लागला.
लाखेगाव येथे किरण कच्छे यांची भावजयी विहिरीतून पाणी शेंदत असताना तोल जावून विहिरीत कोसळली. तिचा जीव वाचवण्यासाठी करणने तत्काळ विहिरीकडे धाव घेतली आणि विचार न करता विहिरीत उडी मारली. मात्र, उडी मारताना विहिरीच्या काठावरच्या दगडाने त्याच्या डोक्याला गंभीर इजा झाली. तरीही त्याने हिम्मत न हरता भावजयीला वाचवण्यात यश मिळवलं.
परंतु, भावजयीला वाचवताना पाण्यातील गाळामध्ये फसल्यामुळे जवान करणचा दुर्दैवी मृत्यू झाला. या घटनेने परिसरातील नागरिकांमध्ये हळहळ व्यक्त झाली आहे.
आज लाखेगाव येथे महाराष्ट्र पोलीस औरंगाबाद ग्रामीणच्या वतीने जवान करण कच्छे यांना सलामी देण्यात आली. त्यांच्या अंत्यसंस्कारावेळी संपूर्ण गावाने अश्रू ढाळत त्याला अंतिम निरोप दिला. आपल्या जीवाची पर्वा न करता दुसऱ्याचा जीव वाचवण्याचा करण कच्छे यांचा हा शौर्यपूर्ण पराक्रम कायम नागरिकांच्या मनात जिवंत राहील.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/K9Y55vdUS298mQnTz6IgYT
*जाहिरातीसाठी_संपर्क करा 8329014805*