छत्रपती संभाजीनगर : शहरातील मालमत्ता कर थकबाकीदारांना कोणतीही व्याज माफी मिळणार नाही, अशी ठाम भूमिका महापालिका प्रशासनाने घेतली आहे. मागील तीन वर्षांपासून मालमत्ता करावरील व्याज माफीसाठी कोणतीही योजना लागू करण्यात आलेली नाही. त्यामुळे थकबाकीदारांना नियमित कर भरण्याची सक्ती केली जाणार आहे.
२.८२ लाख मालमत्ताधारकांवर 500 कोटींचे वसुलीचे लक्ष्य
शहरात २ लाख ८२ हजारांहून अधिक मालमत्ताधारक आहेत, मात्र त्यापैकी फक्त ३० ते ३५ टक्केच कर नियमित भरतात. उर्वरित कर थकबाकी वाढत असल्याने महापालिकेने यंदा मालमत्ता कर आणि पाणीपट्टीच्या माध्यमातून ५०० कोटी रुपये वसूल करण्याचे उद्दिष्ट ठेवले आहे.
१ लाखांहून अधिक थकबाकीदारांना नोटिसा
थकबाकीदारांकडून वसुली जलद व्हावी, यासाठी १ लाखांहून अधिक कर थकबाकी असलेल्या मालमत्ताधारकांना जिल्हा विधी सेवा प्राधिकरणामार्फत नोटिसा पाठविण्यात आल्या. त्यामुळे अनेक नागरिक आणि व्यावसायिकांमध्ये खळबळ उडाली आहे.
व्याज माफीबाबत मागणी पण प्रशासन ठाम
गेल्या काही दिवसांपासून मालमत्ताधारक व्याज माफीसाठी मागणी करत आहेत. मात्र, महापालिका प्रशासनाने स्पष्ट केले आहे की, कोणत्याही प्रकारची व्याज माफी दिली जाणार नाही. त्यामुळे थकबाकीदारांना पूर्ण कर भरावा लागणार आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EatQ9jy0BXO4VEa0In93E6
*जाहिरातीसाठी_संपर्क करा 8329014805*
