drug-racket-in-sambhajinagar-husband-wife-arrested
छत्रपती संभाजीनगरात गुजरातहून अमली पदार्थ आणून विक्री करणाऱ्या पती-पत्नीला पोलिसांनी अटक केली आहे. यामध्ये सराईत गुंड अजय वाहूळ ऊर्फ ठाकूर आणि त्याची पत्नी राणी ठाकूर यांचा समावेश आहे. पोलिसांनी सातारा परिसरातील साईनगरमध्ये त्यांच्या घरावर छापा टाकून 1 लाख 5 हजार 387 रुपयांचा अमली पदार्थ जप्त केला आहे. जप्त करण्यात आलेल्या मुद्देमालामध्ये एमडी ड्रग्जची पावडर, गांजा आणि नशेच्या गोळ्यांचा समावेश आहे.
पोलिस तपासात आरोपी अजय ठाकूरने गुजरातमधील सुरत येथून आयेशा नावाच्या महिलेकडून हे अमली पदार्थ आणत असल्याची कबुली दिली आहे. विशेष म्हणजे अजय ठाकूर हा कुख्यात गुंड असून, तो सहा वर्षांपासून कारागृहात होता. त्या काळात त्याची पत्नी राणी ठाकूर हिने अमली पदार्थ विक्रीचा व्यवसाय सुरू ठेवला. नवऱ्याच्या गुंडगिरीचा धाक दाखवत ती शहरात नशेच्या पदार्थांचा व्यापार करीत होती.
पोलीस तपासात आणखी काही मोठ्या तस्करांचा सहभाग असल्याचा संशय व्यक्त करण्यात येत आहे. या कारवाईमुळे शहरातील ड्रग्ज रॅकेटचा मोठा भांडाफोड झाला असून, पोलिसांचा पुढील तपास सुरू आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EatQ9jy0BXO4VEa0In93E6
*जाहिरातीसाठी_संपर्क करा 8329014805*