छत्रपती संभाजीनगर : शहरात सध्या उष्णतेची लाट सुरु असून उकाड्यामुळे नागरिक रात्रीही अस्वस्थ आहेत. अशाच उकाड्याच्या रात्री चोरट्याने मिळालेल्या संधीचा फायदा घेत मुकुंदवाडी येथील एसटी कॉलनीतील एका घरातून १५ हजारांचा मोबाईल लंपास केल्याची घटना घडली.
ही चोरी गुरुवारी (१७ एप्रिल) पहाटे ३ ते ५ वाजण्याच्या सुमारास घडली. उकाड्यामुळे थोडा दिलासा मिळावा म्हणून घराचा दरवाजा उघडा ठेवण्यात आला होता. याच वेळी चोरट्याने कंपाऊंडमधून उडी मारून घरात प्रवेश केला आणि १५ हजार रुपये किंमतीचा मोबाईल घेऊन पळ काढला.
चोरीबाबत अनिकेत खाडे (वय २२) यांनी मुकुंदवाडी पोलीस ठाण्यात तक्रार दिली आहे. ते सध्या खासगी नोकरीनिमित्त मामाकडे मुक्कामी असून घटना घडली तेव्हा घरातील सर्वजण झोपले होते. सकाळी मोबाईल सापडत नसल्यामुळे शोधाशोध सुरू झाली. दरवाजा उघडा दिसल्याने संशय आला आणि चौकशीअंती चोरी उघडकीस आली.
या प्रकरणी अज्ञात चोरट्याविरुद्ध गुन्हा दाखल करण्यात आला असून पुढील तपास हेडकॉन्स्टेबल कांबळे करत आहेत.
दरम्यान, उकाड्यामुळे घरातील दरवाजे आणि खिडक्या उघड्या ठेवण्याच्या प्रवृत्तीचा चोरटे गैरफायदा घेत असल्याने नागरिकांनी अधिक सतर्क राहण्याचे आवाहन पोलिसांनी केले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/JWPLw3ii1wAKDICCoiRTdD
*जाहिरातीसाठी_संपर्क करा 8329014805*