छत्रपती संभाजीनगर (गजानन राऊत / प्रतिनिधी) : वाळूज परिसरातील २५ वर्षीय तरुणीला प्रेमाच्या जाळ्यात ओढून तिच्यावर मानसिक व शारीरिक अत्याचार केल्याची धक्कादायक घटना उघडकीस आली आहे. याप्रकरणी पीडितेच्या तक्रारीवरून आयुब अमीर पठाण (वय २८, रा. लोणार, जि. बुलढाणा) याच्याविरुद्ध एमआयडीसी वाळूज पोलीस ठाण्यात बलात्कार, धमकी, शिवीगाळ, जातीवाचक अपमान व माहिती तंत्रज्ञान अधिनियमाखाली गुन्हा दाखल करण्यात आला आहे.
पोलिसांकडून मिळालेल्या माहितीनुसार, आरोपीची ओळख पीडित तरुणीशी २०२१ मध्ये झाली होती. मैत्रीचे रूपांतर प्रेमसंबंधात झाले. मात्र, आरोपीने पीडितेला बुरखा घालण्यास, गोमांस खाण्यास व टिकली लावू नये, अशा अटी घालू लागल्याने तिने त्याच्याशी संबंध तोडले. २०२३ मध्ये आरोपीने तिला शेंद्रा येथील एका हॉटेल मध्ये नेऊन ७-८ वेळा जबरदस्तीने शरीरसंबंध ठेवले.
२५ जानेवारी २०२५ रोजी आरोपीने तिला यात्रेला नेत असल्याचे सांगून पिकअपमध्ये बसवून जबरदस्ती केली. त्यानंतर २६ जानेवारीला पीडितेच्या लहान भावाला जीवे मारण्याची धमकी देत पुन्हा अत्याचार केला. इतकेच नव्हे तर तिचे व आरोपीचे फोटो तिच्या भावाच्या मोबाईलवर पाठवले व फोटो व्हायरल करण्याची धमकी दिली.
आरोपी पीडितेचे सोशल मीडिया अकाउंट्स वापरत असून तिथून तिला मेसेज करत आहे. तिच्यावर जातीवाचक शिवीगाळही करण्यात आली आहे.
ही तक्रार झिरो नंबरने नोंदवून पुढील तपासासाठी चिकलठाणा पोलीस ठाण्याकडे वर्ग करण्यात आली आहे. पोलीस अधिक तपास करीत आहेत.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/JWPLw3ii1wAKDICCoiRTdD
*जाहिरातीसाठी_संपर्क करा 8329014805*