जालना-वडीगोद्री रस्त्यावर शहागडजवळ आज सकाळी भीषण अपघात झाला आहे. बस आणि आयशर ट्रकमध्ये झालेल्या या धडक लागल्यामुळे 8 जणांचा जागीच मृत्यू झाला आहे. मृतांमध्ये 6 जण बसमधील तर 2 जण ट्रकमधील असल्याचे समजते. या अपघातात 16 जण गंभीर जखमी झाले असून त्यापैकी 4 जणांची प्रकृती चिंताजनक आहे. त्यामुळे मृतांचा आकडा वाढण्याची शक्यता वर्तवली जात आहे.
प्रत्यक्षदर्शींच्या माहितीनुसार, आयशर ट्रकने दुसऱ्या वाहनाला ओव्हरटेक करताना समोरून येणाऱ्या बसला जोरदार धडक दिली. ही धडक इतकी भीषण होती की दोन्ही वाहनांचा अक्षरश: चेंदामेंदा झाला आहे. अपघातग्रस्त बस अंबाजोगाई आगाराची असून ती जालन्याकडे जात होती. अंबडपासून 10 किलोमीटर अंतरावर हा अपघात झाला. अपघातानंतर जालना-बीड मार्गावर मोठ्या प्रमाणात वाहतूक कोंडी झाली होती.
अपघातग्रस्त ट्रक मोसंबीची वाहतूक करत होता. जखमींना तातडीने जवळच्या रुग्णालयात दाखल करण्यात आले असून, पुढील तपास पोलीस करत आहेत.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/BJSJXD6pg1BLvrKC4OK11S
*जाहिरातीसाठी_संपर्क करा 8329014805*