नोकरीच्या शोधात असलेल्या तरुणांसाठी महत्त्वाची बातमी आहे! महावितरण कार्यालय, छत्रपती संभाजीनगर येथे ग्रॅज्युएट अप्रेंटिस आणि डिप्लोमा अप्रेंटिस पदांसाठी भरती प्रक्रिया सुरू झाली आहे. या भरतीअंतर्गत २७ रिक्त जागांसाठी उमेदवारांची निवड केली जाणार आहे.
महावितरणच्या अधिकृत वेबसाइटवर याबाबत जाहिरात प्रकाशित करण्यात आली आहे. इच्छुक उमेदवारांना या भरतीसाठी ऑनलाइन अर्ज करायचा असून, अर्ज करण्याची अंतिम तारीख १० ऑक्टोबर २०२४ आहे. ऑनलाइन अर्ज केल्यानंतर अर्जाची प्रत १५ ऑक्टोबरपर्यंत दिलेल्या पत्त्यावर ऑफलाइन पद्धतीने पाठवणे आवश्यक आहे.
पात्रता: उमेदवारांनी मान्यताप्राप्त संस्थेतून इलेक्ट्रिकल इंजिनियरिंगमध्ये डिग्री किंवा डिप्लोमा पूर्ण केलेला असावा. या पदांसाठी १८ ते ३० वयोगटातील तरुण अर्ज करू शकतात.
वेतनश्रेणी: या नोकरीसाठी निवड झालेल्या उमेदवारांना ८,००० ते ९,००० रुपये मासिक वेतन देण्यात येणार आहे.
अर्ज करण्याची प्रक्रिया: अर्जदारांनी ऑनलाइन अर्ज केल्यानंतर अर्जाची प्रत “म.रा.वि.वि.कं.मर्या.विश्रामगृह, परिमंडळ कार्यालयाचा परिसर, छत्रपती संभाजीनगर” या पत्त्यावर पाठवणे आवश्यक आहे.
ही संधी नुकतेच शिक्षण पूर्ण केलेल्या आणि कामाचा अनुभव घेऊ इच्छिणाऱ्या तरुणांसाठी खास आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/E3cu6nJZUyE6deFZQWJ9le
*जाहिरातीसाठी_संपर्क करा 8329014805*