सिडको एन-२ परिसरात एका २२ वर्षीय तरुणाने प्रेमाच्या जाळ्यात ओढून पीडित महिलेचा शारीरिक शोषण करत तिला लग्नासाठी दोन कोटी रुपयांची मागणी केल्याचा धक्कादायक प्रकार उघडकीस आला आहे. अभिषेक संजीव गुप्ता (वय २२, रा. गारखेडा परिसर) असे आरोपीचे नाव असून, हा प्रकार ३० नोव्हेंबर २०२२ ते २८ ऑगस्ट २०२४ या कालावधीत घडल्याचे समजते.
पीडित ३० वर्षीय महिलेने पुंडलिकनगर पोलिस ठाण्यात दिलेल्या तक्रारीत नमूद केले आहे की, तिचे पतीसोबत २० जानेवारी २०२२ रोजी फारकत झाली. त्यानंतर अभिषेक गुप्ता यांच्याशी ओळख झाली. अभिषेकने २०२२ मध्ये गुंगीचे औषध देऊन तिचे फोटो आणि व्हिडिओ बनवले आणि त्याचा आधार घेत तिच्यावर अत्याचार केला. त्यामुळे पीडिता गर्भवती राहिली, मात्र २८ ऑगस्ट रोजी बाळाचा मृत्यू झाला.
पीडितेने अभिषेकवर लग्नासाठी दबाव आणल्यावर त्याने तिच्या वडिलांकडे दोन कोटी रुपयांची मागणी केली. तसेच, तिचे फोटो आणि व्हिडिओ सोशल मीडियावर व्हायरल करण्याची धमकी दिली. या प्रकरणी मुकुंदवाडी पोलिस ठाण्यात गुन्हा दाखल करण्यात आला असून, तपास उपनिरीक्षक राऊत यांच्या मार्गदर्शनाखाली सुरू आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/E3cu6nJZUyE6deFZQWJ9le
*जाहिरातीसाठी_संपर्क करा 8329014805*