Maharashtra-ST-Safety-Reforms
पुण्यातील स्वारगेट एसटी आगारात मुलीवर झालेल्या अत्याचाराच्या घटनेनंतर सरकारने तातडीने मोठे निर्णय घेतले आहेत. परिवहन मंत्री प्रताप सरनाईक यांनी पत्रकार परिषद घेऊन महिलांच्या सुरक्षेसाठी कडक उपाययोजना करण्याची घोषणा केली.
सरनाईक यांनी स्पष्ट केले की, एसटी महामंडळातील सुरक्षेत सुधारणा करण्यासाठी AI आणि GPS प्रणालीचा वापर केला जाईल. महामंडळाच्या ताफ्यातील सर्व 14,300 बसमध्ये ही तंत्रज्ञान प्रणाली बसवली जाणार आहे. यामुळे बसेसच्या हालचालींवर सतत लक्ष ठेवता येईल.
महिलांच्या सुरक्षेसाठी एसटी आगारांमध्ये सुरक्षा रक्षकांची संख्या वाढवण्यात येईल. सध्या 2700 सुरक्षा रक्षक कार्यरत आहेत, मात्र यात महिलांचा सहभाग वाढवण्यासाठी 10-15 टक्के वाढ करण्याचा निर्णय घेतला आहे. तसेच, आगारांमध्ये अत्याधुनिक AI कॅमेरे बसवून त्यांचे नियंत्रण कंट्रोल रूममधून केले जाणार आहे.
मोडकळीस आलेल्या आणि निष्क्रिय बसगाड्यांमुळे सुरक्षेचा धोका निर्माण होतो. त्यामुळे 15 एप्रिलपर्यंत स्क्रॅपिंग पॉलिसी लागू करून अशा बसेस हटवण्याचा निर्णय घेण्यात आला आहे.
महामंडळात सुरक्षा व्यवस्था अधिक मजबूत करण्यासाठी केंद्र आणि राज्य सरकारकडे IPS अधिकाऱ्यांची नियुक्ती करण्याची मागणीही करण्यात येणार आहे.
या निर्णयांमुळे एसटी महामंडळातील सुरक्षेच्या पातळीवर मोठे बदल होतील, असा विश्वास सरकारने व्यक्त केला आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/Br29avqYAlRCU4ytjYm4PJ
*जाहिरातीसाठी_संपर्क करा 8329014805*
