गणेशोत्सवाच्या उत्साहात अनंत चतुर्दशीच्या दिवशी विसर्जन मिरवणुकीत हुल्लडबाजीचा प्रकार घडला. पुंडलिक नगर परिसरात काही तरुणांनी महिलांवर आणि तरुणींवर जबरदस्तीने गुलाल टाकल्याच्या घटनेमुळे वातावरण तापले. या घटनेनंतर पोलिसांनी तातडीने हस्तक्षेप करत, ६ जणांना ताब्यात घेतले असून त्यांच्यावर गुन्हा दाखल करण्यात आला आहे.
पुंडलिक नगर परिसरातून शांततेत विसर्जन मिरवणूक सुरू असताना काही मद्यधुंद तरुणांनी मिरवणुकीत घुसून गोंधळ घालण्यास सुरुवात केली. त्यांनी महिलांवर जबरदस्तीने गुलाल टाकण्याचा प्रयत्न केला, ज्यामुळे मिरवणुकीतील इतर तरुणांनी त्यांना अडवण्याचा प्रयत्न केला. या घटनेनंतर परिसरात काही काळ तणाव निर्माण झाला होता.
पोलिसांनी घटनेची माहिती मिळताच घटनास्थळी धाव घेतली आणि हुल्लडबाजी करणाऱ्या ६ तरुणांना अटक केली. या शिवाय, इतर १७ जणांवरही गुन्हे दाखल करण्यात आले आहेत.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/BJSJXD6pg1BLvrKC4OK11S
*जाहिरातीसाठी_संपर्क करा 8329014805*