रिपब्लिकन पार्टी ऑफ इंडियाच्या (रिपाई) मदतीमुळे लोकसभेत महायुतीने अनेक जागा जिंकल्या असून, या विजयात रिपाईचा महत्त्वपूर्ण वाटा आहे, असे केंद्रीय राज्य समाज कल्याण मंत्री रामदास आठवले यांनी आज (शनिवार) पत्रकार परिषदेत सांगितले. रिपाईमुळे लोकसभेत 17 जागा निवडून आल्या आहेत, असे त्यांनी नमूद केले.
आठवले यांनी विधानसभेत देखील रिपाईला 9 जागा मिळाव्यात, अशी मागणी केली. “महायुतीच्या यशात रिपाईचा मोठा सहभाग असूनही, राज्यात आमच्याकडे दुर्लक्ष केले जात आहे,” असा आरोप त्यांनी केला.
बुद्ध लेणी परिसर सुरक्षित
बुद्ध लेणी परिसरातील कोणत्याही वस्तूला धक्का लागू नये, याची संपूर्ण खबरदारी घेतली जाईल, असे जिल्हाधिकारी यांनी आश्वासन दिल्याचे आठवले यांनी सांगितले. या मुद्द्यावर अंतिम निर्णय मुख्यमंत्री घेणार असल्याचेही त्यांनी नमूद केले.
7 ऑक्टोबरला शांततेत बुद्ध लेणी बचाव मोर्चा
बुद्ध लेणी बचाव मोर्चा 7 ऑक्टोबर रोजी काढण्यात येणार आहे. रामदास आठवले यांनी सर्व आंबेडकर अनुयायांना या मोर्चामध्ये शांतता राखण्याचे आवाहन केले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/E3cu6nJZUyE6deFZQWJ9le
*जाहिरातीसाठी_संपर्क करा 8329014805*