🚜 QR Code द्वारे खत खरेदीची नवी सुविधा; छत्रपती संभाजीनगर जिल्ह्याची पथदर्शी प्रकल्पासाठी निवड

May 29, 2026 ##AgricultureNews, ##Agristack, ##AgriTech, ##ChhatrapatiSambhajinagar, ##DigitalFarming, ##FarmerNews, ##FarmerUpdate, ##FertilizerBooking, ##FSAS, ##KhadBooking, ##KharifSeason, ##MaharashtraNews, ##OnlineBooking, ##QRcode, ##SmartFarming, ##कृषीबातम्या, ##केंद्रशासन, ##खतवितरण, ##छत्रपतीसंभाजीनगर, ##शेतकरी

छत्रपती संभाजीनगर : केंद्र शासनाच्या राष्ट्रीय खत विक्री आराखडा (National Fertilizer Sale Framework) अंतर्गत IFMS आणि Agristack प्रणालीचे संयुक्तीकरण करण्यात येत असून आता शेतकऱ्यांना QR Code द्वारे खत खरेदी करता येणार आहे. या आधुनिक खत वितरण व्यवस्थेचा पथदर्शी प्रकल्प राज्यात राबविण्यात येत असून त्यासाठी छत्रपती संभाजीनगर आणि कोल्हापूर या दोन जिल्ह्यांची निवड करण्यात आली आहे. कृषी संचालक, पुणे यांनी यासंदर्भातील माहिती दिली आहे.

केंद्र शासनाने यासाठी Fertilizer Sale Application System (FSAS) हे विशेष मोबाईल ॲप विकसित केले आहे. या ॲपच्या माध्यमातून शेतकरी QR Code वापरून आवश्यक खतांचे ऑनलाइन बुकिंग करू शकणार आहेत. एकदा बुकिंग झाल्यानंतर संबंधित QR Code तीन दिवस वैध राहणार असून त्या कालावधीत शेतकरी आपल्या सोयीच्या खत विक्रेत्याकडून खत खरेदी करू शकतील.

या नव्या प्रणालीमुळे शेतकऱ्यांना खतासाठी दुकानाबाहेर रांगेत उभे राहण्याची गरज भासणार नाही. तसेच आवश्यक तेवढ्याच खतांचे बुकिंग करता येणार असल्याने दुकानदारांकडून इतर अनावश्यक खते घेण्याची सक्तीही टाळता येणार आहे. त्यामुळे खत विक्री प्रक्रियेत पारदर्शकता आणि सुलभता निर्माण होणार असल्याचे प्रशासनाने स्पष्ट केले आहे.

सध्या अनेक वेळा दुकानांमध्ये खत उपलब्ध आहे की नाही याची माहिती शेतकऱ्यांना वेळेवर मिळत नसल्याने त्यांना नाहक त्रास सहन करावा लागतो. मात्र नवीन डिजिटल प्रणालीमुळे खत उपलब्धतेची माहिती सहज मिळणार असल्याने शेतकऱ्यांचा वेळ आणि खर्च दोन्ही वाचणार आहेत.

दरम्यान, केंद्र शासनाच्या पथकाने पुणे जिल्ह्यातील अष्टापूर (ता. हवेली) येथे या प्रणालीची यशस्वी चाचणी घेतली आहे. खरीप हंगामापासून छत्रपती संभाजीनगर जिल्ह्यात या प्रणालीद्वारे खत विक्रीला सुरुवात होणार असल्याने शेतकऱ्यांमध्ये उत्सुकता निर्माण झाली आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/I6kWaCT1EMB7py0eVHlGdl

*जाहिरातीसाठी_संपर्क करा 8329014805*

327 Views

संमिश्र

✨ 30 मे 2026 राशीभविष्य : आज नशिबाची दारे कोणासाठी उघडणार, तर कोणाच्या आयुष्यात येणार मोठा ट्विस्ट? ✨

May 29, 2026

संमिश्र

🚨 जनगणनेत छत्रपती संभाजीनगर महापालिका राज्यात अव्वल; ९५% भागात काम पूर्णत्वाकडे, ५ जूनपर्यंत लक्ष्य पूर्ण होणार!

May 28, 2026

संमिश्र

📿 मेष, वृषभ, मिथुन ते मीन : नोकरी, व्यवसाय, शिक्षण, प्रवास, प्रेम आणि कौटुंबिक जीवनाबाबत आज काय सांगते तुमची रास? वाचा आजचे संपूर्ण राशीभविष्य!

May 28, 2026

🚜 QR Code द्वारे खत खरेदीची नवी सुविधा; छत्रपती संभाजीनगर जिल्ह्याची पथदर्शी प्रकल्पासाठी निवड

Related Post

✨ 30 मे 2026 राशीभविष्य : आज नशिबाची दारे कोणासाठी उघडणार, तर कोणाच्या आयुष्यात येणार मोठा ट्विस्ट? ✨

🚨 जनगणनेत छत्रपती संभाजीनगर महापालिका राज्यात अव्वल; ९५% भागात काम पूर्णत्वाकडे, ५ जूनपर्यंत लक्ष्य पूर्ण होणार!