🚨 छत्रपती संभाजीनगर जिल्ह्यात ग्रामपंचायत निवडणुकांचा बिगुल; ६३३ गावांमध्ये रंगणार प्रतिष्ठेची लढत, आरक्षण सोडतीनंतर ग्रामीण राजकारण तापणार!

May 29, 2026 ##BreakingNews, ##ChhatrapatiSambhajinagar, ##Election2026, ##GramPanchayatElection, ##LocalBodyElection, ##MaharashtraPolitics, ##MarathiNews, ##PanchayatElection, ##PoliticalBattle, ##ReservationDraw, ##RuralPolitics, ##VillageElection, ##VillagePolitics, ##ZPNews, ##आरक्षण_सोडत, ##गावकी_राजकारण, ##ग्रामपंचायत, ##ग्रामपंचायत_निवडणूक, ##ग्रामीण_राजकारण, ##छत्रपतीसंभाजीनगर, ##मराठी_बातम्या, ##महाराष्ट्र_राजकारण, ##राजकीय_आखाडा, ##स्थानिक_निवडणूक

छत्रपती संभाजीनगर : जिल्ह्यातील ग्रामीण राजकारण पुन्हा एकदा तापण्याची चिन्हे दिसू लागली आहेत. तब्बल ६३३ ग्रामपंचायतींच्या सार्वत्रिक निवडणुकांचा बिगुल वाजल्याने गावपातळीवरील राजकीय हालचालींना वेग आला आहे. राज्य निवडणूक आयोगाने सदस्य आरक्षण सोडतीचा कार्यक्रम जाहीर केल्यानंतर इच्छुक उमेदवारांनी मोर्चेबांधणी सुरू केली असून, गावागावांत राजकीय चर्चांना उधाण आले आहे.

जानेवारी २०२६ ते डिसेंबर २०२६ या कालावधीत मुदत संपणाऱ्या ग्रामपंचायतींसह, २०२५ मध्ये नव्याने स्थापन झालेल्या तसेच मुदतपूर्व विसर्जित ग्रामपंचायतींचाही या निवडणुकांमध्ये समावेश करण्यात आला आहे. त्यामुळे ग्रामीण भागातील अनेक गावांमध्ये राजकीय वातावरण चांगलेच ढवळून निघाले आहे.

जिल्ह्यात एकूण ८७० ग्रामपंचायती असून, त्यापैकी बहुतांश ग्रामपंचायतींवर सध्या प्रशासक राजवट लागू आहे. ग्रामपंचायत ही गावपातळीवरील सत्तेचे केंद्र मानली जात असल्याने प्रत्येक गावात ही निवडणूक प्रतिष्ठेची ठरणार आहे. अनेक ठिकाणी जुने राजकीय गट, स्थानिक नेते आणि नवोदित इच्छुक यांच्यात चुरशीची लढत पाहायला मिळण्याची शक्यता आहे.

राज्य निवडणूक आयोगाचे सचिव सुरेश काकाणी यांच्या स्वाक्षरीने २६ मे रोजी आरक्षण सोडतीसंदर्भातील आदेश जारी करण्यात आले आहेत. ही संपूर्ण प्रक्रिया १० जुलैपर्यंत पूर्ण होणार असून, त्यानंतर प्रत्यक्ष निवडणूक कार्यक्रम जाहीर होण्याची शक्यता आहे. पावसाळ्याचा विचार करता मतदान दिवाळीच्या सुमारास होण्याचा अंदाज व्यक्त केला जात आहे.

तालुकानिहाय पाहता वैजापूर तालुक्यात सर्वाधिक १०५ ग्रामपंचायतींच्या निवडणुका होणार आहेत, तर सोयगाव तालुक्यात सर्वांत कमी ४२ ग्रामपंचायतींचा समावेश आहे. जिल्ह्यातील सर्वच तालुक्यांमध्ये निवडणुका होणार असल्याने ग्रामीण राजकारण आणखी रंगणार आहे.

दरम्यान, ८ जून रोजी विशेष ग्रामसभेची नोटीस देण्यात येणार असून, १२ जून रोजी आरक्षण सोडत काढण्यात येणार आहे. त्यानंतर १९ जूनला प्रारूप आरक्षण प्रसिद्ध होणार असून, हरकती व सूचनांसाठी २५ जूनपर्यंत मुदत दिली जाणार आहे. अंतिम प्रभाग रचना आणि आरक्षण यादी १० जुलै रोजी प्रसिद्ध केली जाणार आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/I6kWaCT1EMB7py0eVHlGdl

*जाहिरातीसाठी_संपर्क करा 8329014805*

1,186 Views

राजकीय

राजेंद्र जंजाळांच्या वाढदिवशी झळकलेल्या बुलडोझर बॅनरची शहरभर जोरदार चर्चा

May 17, 2026

राजकीय

छत्रपती संभाजीनगरात शिंदे सेनेत अंतर्गत कलह उफाळला; स्वीकृत नगरसेवक निवडीवरून उपमहापौर राजेंद्र जंजाळ यांच्याविरोधात ‘जोडे मारो’ आंदोलन

Apr 20, 2026

राजकीय

स्वीकृत नगरसेवकांसाठी अर्ज दाखल करण्याचा आज अखेरचा दिवस; इच्छुकांची धावपळ वाढली

Mar 30, 2026

Related Post

राजेंद्र जंजाळांच्या वाढदिवशी झळकलेल्या बुलडोझर बॅनरची शहरभर जोरदार चर्चा

स्वीकृत नगरसेवकांसाठी अर्ज दाखल करण्याचा आज अखेरचा दिवस; इच्छुकांची धावपळ वाढली

Leave a Reply Cancel reply

You missed

🚜 QR Code द्वारे खत खरेदीची नवी सुविधा; छत्रपती संभाजीनगर जिल्ह्याची पथदर्शी प्रकल्पासाठी निवड

✨ 30 मे 2026 राशीभविष्य : आज नशिबाची दारे कोणासाठी उघडणार, तर कोणाच्या आयुष्यात येणार मोठा ट्विस्ट? ✨