🚌 आनंददायी बातमी विद्यार्थ्यांसाठी : एसटी बस पास थेट शाळेत मिळणार, रांगेपासून दिलासा 🏫

महाराष्ट्रातील लाखो शालेय आणि महाविद्यालयीन विद्यार्थ्यांसाठी एक दिलासादायक बातमी समोर आली आहे. यापुढे एसटी बस पास मिळवण्यासाठी रांगेत उभं राहण्याची गरज भासणार नाही. राज्याचे परिवहन मंत्री आणि एसटी महामंडळाचे अध्यक्ष प्रताप सरनाईक यांनी “एसटी पास थेट तुमच्या शाळेत” ही विशेष मोहीम सुरू केली आहे.

नवीन शैक्षणिक वर्ष १६ जूनपासून सुरू होत असताना, या मोहिमेअंतर्गत विद्यार्थ्यांना त्यांच्या शाळा-महाविद्यालयांतच एसटी पास मिळणार आहेत. यासाठी स्थानिक प्रशासन आणि एसटी महामंडळ समन्वय साधून शाळांकडून विद्यार्थ्यांची यादी घेतील आणि त्यावरून एसटीचे कर्मचारी थेट संस्थेत जाऊन पास वाटप करतील.

विद्यार्थ्यांना दरमहा केवळ ३३.३३ टक्के रक्कम भरून ६६.६६ टक्के सवलतीसह मासिक बस पास मिळणार आहे. विशेषतः “पुण्यश्लोक अहिल्याबाई होळकर” योजनेअंतर्गत बारावीपर्यंतच्या मुलींना मोफत पास देण्यात येणार आहे.

यापूर्वी विद्यार्थ्यांना एसटी आगार किंवा पास केंद्रावर जाऊन लांबच लांब रांगेत ताटकळत राहावे लागत होते. परंतु आता ही अडचण दूर होणार असून, वेळेची बचत होऊन विद्यार्थ्यांच्या शैक्षणिक प्रगतीस चालना मिळणार आहे.

ही योजना ग्रामीण आणि शहरी भागातील विद्यार्थ्यांसाठी अत्यंत उपयुक्त ठरणार असून, पालक आणि शिक्षक वर्गातूनही या निर्णयाचे स्वागत होत आहे. ही योजना प्रत्यक्षात उतरवण्यासाठी स्थानिक अधिकाऱ्यांनी तत्परतेने कार्यवाही सुरू केली आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/LUuxEbTCGUGCYza17DWFVv

*जाहिरातीसाठी_संपर्क करा 8329014805*