देशातील खासगी वाहनचालकांसाठी एक दिलासादायक निर्णय घेण्यात आला आहे. केंद्रीय रस्ते वाहतूक मंत्री नितीन गडकरी यांनी FASTag वापरकर्त्यांसाठी वार्षिक पास योजना जाहीर केली असून ती येत्या १५ ऑगस्ट २०२५ पासून देशभर लागू होणार आहे. ही योजना फक्त राष्ट्रीय महामार्गांवरील टोल नाक्यांसाठी लागू असणार आहे.
या योजनेअंतर्गत खासगी कार, जीप, व्हॅन यांसारख्या गैर-व्यावसायिक वाहनांसाठी फक्त ₹३००० मध्ये FASTag चा वार्षिक पास मिळणार आहे. या पासचा उपयोग वर्षभरात २०० टोल प्रवासांकरिता करता येणार आहे. पास एकतर २०० फेऱ्यांपर्यंत किंवा अ‍ॅक्टिव्ह झाल्यापासून एक वर्षापर्यंत वैध राहील – जे आधी संपेल ते ग्राह्य धरले जाईल.
या उपक्रमामुळे विशेषतः ५० ते ६० किमी परिसरात नियमित प्रवास करणाऱ्या वाहनचालकांना मोठा फायदा होणार आहे. टोल नाक्यांवरील गर्दी, वेळेचा अपव्यय आणि रोख व्यवहारातील त्रास कमी होण्यास मदत होईल.
हा FASTag वार्षिक पास NHAI च्या अधिकृत वेबसाइटवर तसेच महामार्ग प्रवास अ‍ॅपवर ऑनलाइन अर्ज करून मिळवता येणार आहे. संपूर्ण प्रक्रिया डिजिटल असून वाहनधारकांसाठी सोपी व पारदर्शक आहे.
नितीन गडकरी यांनी म्हटले की, “ही योजना टोल संकलन प्रक्रियेत सुलभता आणेल आणि लाखो खासगी वाहनधारकांसाठी फायदेशीर ठरेल.” ही योजना फक्त नॅशनल हायवे (राष्ट्रीय महामार्ग) साठीच असून, इतर राज्य महामार्ग किंवा स्थानिक टोल नाक्यांवर लागू होणार नाही, हे स्पष्टपणे नमूद करण्यात आले आहे.
अधिक माहितीसाठी www.nhai.gov.in किंवा Highway Travel App वर भेट द्यावी.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/LUuxEbTCGUGCYza17DWFVv
*जाहिरातीसाठी_संपर्क करा 8329014805*