छत्रपती संभाजीनगर : जालना रोडवरील अतिक्रमण हटाव कारवाईस उच्च न्यायालयाने स्थगिती नाकारल्यामुळे २८ जूनपासून महापालिकेकडून पुन्हा पाडापाडीची कारवाई सुरू होणार आहे. मुकुंदवाडी परिसरातील जालना रोडलगतच्या सर्व्हिस रोड व एमआयडीसीच्या ग्रीन बेल्टवर झालेल्या अतिक्रमणांवर २० जून रोजी मनपाच्या अतिक्रमण पथकाने मोठी कारवाई केली होती. या वेळी संजयनगर परिसरातही अतिक्रमणे हटविण्यात आली.
ही कारवाई थांबवावी यासाठी अतिक्रमणधारकांनी न्यायालयात धाव घेतली होती. मात्र, न्यायालयाने त्यांच्या मागणीला नकार देत मनपाच्या कारवाईचा मार्ग मोकळा केला. दरम्यान, मनपाने २७ जूनपर्यंत अतिक्रमणधारकांना स्वतःहून अतिक्रमण काढण्याची संधी दिली आहे.
२८ जूनपासून उर्वरित अतिक्रमणांवर थेट कारवाई केली जाईल, अशी माहिती अतिक्रमण विभागाचे प्रमुख संतोष वाहुळे यांनी दिली. मनपाचे अतिक्रमण हटाव पथक, सुरक्षा रक्षक आणि पोलिसांच्या मदतीने ही मोहीम राबवण्यात येणार आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/KOOzOvmJm8UAlKfzgNGy49
*जाहिरातीसाठी_संपर्क करा 8329014805*