छत्रपती संभाजीनगर : वेरूळ येथे भक्तनिवास, दर्शनबारी, फंक्शन हॉल, व्यावसायिक कॉम्पलेक्स, उद्यान, लाइट अँडसाऊंड शो, घाट सुशोभीकरण, पार्किंग आदी कामांना मंजुरी देण्यात आली आहे. वेरूळ येथील घृष्णेश्वर ज्योतिर्लिंग मंदिरालगत ४३ कोटी रुपये खर्चून चौपदरी बायपास रस्ता होणार आहे. मंदिर परिसरातील विविध विकासकामांसाठी ५३ कोटींचा वाढीव निधी गुरुवारी उच्चधिकारी समितीने मंजूर केला.त्यामुळे एकूण निधी १५६ कोटींवरून २१० कोटींवर गेला आहे. निविदा आणि वर्कऑर्डरची प्रक्रिया पूर्ण झाली आहे.
मुख्य सचिव राजेशकुमार, सचिववेणुगोपाल रेड्डी यांनी ऑनलाइनव्हीसी घेतली. जिल्हाधिकारी दिलीप स्वामी, नियोजन अधिकारी भारतवायाळ बैठकीला उपस्थित होते. १५६ कोटींच्या आराखड्यात ९१ कोटींची वाढीव मागणी प्रशासनाने केली होती.त्यानुसार ११२ कोटींपर्यंतची कामे नव्याने समाविष्ट करून २१० कोटींचा परिपूर्ण आराखडा तयार करण्यात आला आहे. बहुतांश कामांना गती दिल्याबद्दल मुख्य सचिवांनीजिल्हाधिकारी स्वामी यांचे कौतुक केले. नवीन आराखड्याध्ये मंदिरातील प्रशासकीय कार्यालय बाहेर हलवले जाणार आहे. २०१८ पासून कागदावर असलेल्या या प्रकल्पाला जानेवारी२०२६ पासून प्रत्यक्ष गती मिळणार आहे. बायपाससह उर्वरित कामांना लवकरच गती मिळेल.
बांधकाम विभाग ११२ कोटींची कामे करणार
२१० कोटींच्या आराखड्यात ११२कोटींची कामे सार्वजनिक बांधकाम विभाग करणार आहे. ४३ कोटींचा बायपास रस्ता होणार आहे. पुरातत्त्व विभागाच्या हद्दीत १३ कोटींची कामे होतील. महावितरण, एमटीडीसी, विद्युत विभाग, जीवन प्राधिकरणयांच्या विविध कामांचाही या वाढीव आराखड्यात समावेश आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/FkdbQ7CBnF2FSoNwbVDkV8
*जाहिरातीसाठी_संपर्क करा 8329014805*