धुळे-सोलापूर राष्ट्रीय महामार्गावर बीड बायपास उड्डाणपुलाजवळ आज दुपारी एका भीषण अपघातात सचिन भागतराव पानखडे (वय ३२, रा. राजप्रिंप्री, ता. गेवराई, जि. बीड) या तरुणाचा जागीच मृत्यू झाला. लघुशंकेसाठी गाडीतून उतरत असताना भरधाव वेगाने आलेल्या हायवाने त्यांना जोरदार धडक दिली. धडक इतकी जबरदस्त होती की सचिन यांना जवळपास १०० फूट फरफटत नेण्यात आले आणि त्यांचा जागीच मृत्यू झाला.
सचिन पानखडे हे काही काळापासून आजारी होते, आणि त्यांच्यावर उपचार करण्यासाठी त्यांचे वडील व नातेवाईक त्यांना सोमवारी छत्रपती संभाजीनगर येथे घेऊन जात होते. महामार्गावर बीड बायपास उड्डाणपुलाजवळ त्यांनी लघुशंकेसाठी गाडी थांबवली. गाडीतून उतरत असतानाच पाठीमागून येत असलेल्या हायवाने त्यांना जोरदार धडक दिली. या धडकेत सचिन जागीच ठार झाले.
या अपघाताची नोंद चिकलठाणा पोलिस ठाण्यात करण्यात आली असून, पोलिस हायवा चालकाचा शोध घेत आहेत. या घटनेमुळे परिसरात हळहळ व्यक्त केली जात आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/BJSJXD6pg1BLvrKC4OK11S
*जाहिरातीसाठी_संपर्क करा 8329014805*