“Jashodaben Modi Visits Grishneshwar and Bhadra Maruti Temples”
पंतप्रधान नरेंद्र मोदी यांच्या पत्नी जशोदाबेन नरेंद्र मोदी यांनी शुक्रवारी दुपारी १२:३० वाजता बारावे ज्योतिर्लिंग श्री घृष्णेश्वर मंदीर तसेच खुलताबाद येथील भद्रा मारूती मंदीरास भेट देवून दर्शन घेतले.
वेरूळ येथील श्री घृष्णेश्वर मंदीरात जशोदाबेन मोदी या दर्शनासाठी येणार असल्याने, सुरक्षेच्या कारणास्तव ८ ते १० पोलीस कर्मचारी बंदोबस्तासाठी तैनात करण्यात आले होते. तसेच, जगप्रसिद्ध वेरूळ लेणी आणि श्री घृष्णेश्वर मंदीरासमोरील चौकात वाहतूक सुरळीत राहण्यासाठी पोलीस कर्मचारी कार्यरत होते.
ठीक १२:३० वाजता जशोदाबेन नरेंद्र मोदी यांनी मंदिरात प्रवेश केला. त्यांनी घृष्णेश्वर ज्योतिर्लिंगाचे दर्शन घेऊन अभिषेक व महापूजा केली. मंदिर प्रशासनाच्या वतीने त्यांचे स्नेहपूर्ण स्वागत करण्यात आले.
यावेळी व्हिजिट बुकमध्ये त्यांनी ‘बहुत अच्छा लगा’ असा अभिप्राय नोंदवला.
यानंतर जशोदाबेन मोदी यांनी खुलताबाद येथील भद्रा मारूती मंदीरासही भेट दिली. तेथे दर्शन घेतल्यानंतर, भद्रा मारूती संस्थानचे अध्यक्ष मिठ्ठू बारगळ यांनी त्यांचे औपचारिक स्वागत केले.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/CUZxUMpm5nG0dcievrzNlr
*जाहिरातीसाठी_संपर्क करा 8329014805*