Chhatrapati Sambhajinagar Airport Passenger Growth
छत्रपती संभाजीनगरकरांची हवाई सफर करण्याची आवड मोठ्या प्रमाणात वाढत असल्याचे चित्र आहे. 2024 मध्ये चिकलठाणा विमानतळावरून तब्बल 6.95 लाख प्रवाशांनी प्रवास केला आहे. विशेष म्हणजे, 2023 च्या तुलनेत 91 हजार नव्या प्रवाशांची भर पडली आहे. यामुळे शहराच्या विमान प्रवासातील वाढती मागणी अधोरेखित झाली आहे.
सध्या चिकलठाणा विमानतळावरून दिल्ली, मुंबई, हैदराबाद, गोवा, बंगळुरू आणि नागपूर या प्रमुख शहरांसाठी विमानसेवा उपलब्ध आहे. परंतु प्रवाशांची वाढती संख्या लक्षात घेता नव्या मार्गांसाठी विमानसेवेची मागणी होऊ लागली आहे.
गेल्या वर्षभरात प्रवाशांची संख्या सातत्याने वाढताना दिसली. नोव्हेंबर 2024 हा सर्वाधिक व्यस्त महिना ठरला, ज्या महिन्यात 716 विमानांचे उड्डाण झाले. प्रवाशांच्या संख्येतही याच महिन्यात उच्चांकी वाढ झाली. दुसरीकडे, कार्गो वाहतुकीच्या दृष्टीने ऑक्टोबर 2024 हा सर्वोत्तम महिना ठरला.
ही वाढती मागणी पाहता विमान कंपन्यांनी नवीन मार्ग सुरू करण्याचा विचार करावा, अशी शहरवासीयांची आणि उद्योग क्षेत्राची मागणी आहे. भविष्यात अधिक विमानसेवा सुरू झाल्यास व्यवसाय, पर्यटन आणि उद्योग क्षेत्राला चालना मिळेल.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/EatQ9jy0BXO4VEa0In93E6
*जाहिरातीसाठी_संपर्क करा 8329014805*