छत्रपती संभाजीनगर : शहरातील हडको एन-12 परिसरात एका भीषण अपघाताची घटना घडली आहे. भरधाव वेगाने आलेल्या कारने स्कुटीस्वारास जोरदार धडक दिली. या धडकेमुळे स्कुटी थेट महावितरणच्या पोलवर आदळली. पोलला आदळल्यानंतर मोठा स्फोट होऊन स्कुटीला आग लागली आणि ती जळून खाक झाली.
अपघातात दुचाकीस्वार गंभीर जखमी झाला असून त्याच्यावर शहरातील एका खाजगी रुग्णालयात उपचार सुरू आहेत. अपघातानंतर कारचालक घटनास्थळावरून गाडी घेऊन पसार झाला. हा सर्व प्रकार घटनास्थळावरील सीसीटीव्ही कॅमेऱ्यात कैद झाला आहे.
दरम्यान, या अपघातामुळे महावितरणचा विद्युत खांब पूर्णपणे वाकला असून जवळपास दोन ते तीन तास त्या भागातील वीजपुरवठा खंडित झाला होता. सिटी चौक पोलीस ठाण्यात या घटनेची नोंद करण्यात आली असून पुढील कायदेशीर कार्यवाही सुरू आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/JKRmORhlDKD41spUTgpnVl
*जाहिरातीसाठी_संपर्क करा 8329014805*