(सुनील झिंजुर्डे ) प्रतिनिधी /वैजापूर : तालुक्यातील कविटखेडा वळण शिवारात बिबट्याच्या हल्ल्यात 10 वर्षीय मुलाचा दुर्दैवी मृत्यू झाला. गट क्रमांक १३३ मधील गोरख काशिनाथ चव्हाण यांच्या शेतात मध्य प्रदेशातील मजूर कापूस वेचत असताना महेश सिध्दार्थ आखाडे हा मुलगा शेतात बसलेला होता. अचानक समोर आलेल्या बिबट्याने मुलावर झडप घातली आणि त्याला ज्वारीच्या शेतात ओढत नेले.
घटनेनंतर उपस्थित मजुरांनी आरडाओरडा केला, मात्र तोपर्यंत बिबट्याने मुलाला गंभीर जखमी केले होते. शेतकऱ्यांनी ट्रॅक्टरच्या आवाजाने बिबट्याला पळवून लावले, पण महेशला वाचवणे शक्य झाले नाही.
या घटनेमुळे परिसरात भीतीचे वातावरण पसरले असून नागरिकांनी वनविभागाकडे तातडीने बिबट्याचा बंदोबस्त करण्याची मागणी केली आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/LJKkgCKh4n33MLqeQ0zqD2
*जाहिरातीसाठी_संपर्क करा 8329014805*