छत्रपती संभाजीनगर : शिवसेना उद्धव बाळासाहेब ठाकरे गटाला मोठा धक्का बसला असून, शहरप्रमुख विश्‍वनाथ स्वामी यांच्यासह ३५ जणांनी मंगळवारी (ता. २१) शिवसेनेच्या प्राथमिक सदस्यत्वाचा राजीनामा देत थेट भाजपमध्ये प्रवेश केला आहे. यामध्ये प्रमुख पदाधिकाऱ्यांसह माजी नगरसेवकांचा समावेश आहे.
महापालिका निवडणुकीच्या तोंडावर ही मोठी गळती ठाकरे गटासाठी धोक्याची घंटा मानली जात आहे. शिवसेना ठाकरे गटाला मागील काही महिन्यांपासून प्रमुख नेते आणि पदाधिकारी गमवावे लागत आहेत. शहरात गटबाजी, स्थानिक नेतृत्वातील मतभेद यामुळे कार्यकर्त्यांमध्ये नाराजीचा सूर असल्याचे दिसून आले आहे.
भाजपमध्ये प्रवेश केलेल्यांमध्ये यांचा समावेश:
विश्‍वनाथ स्वामी (शहरप्रमुख), शिव लुंगारे (उपजिल्हाप्रमुख), प्रकाश अत्तरदे (माजी नगरसेवक), नागनाथ स्वामी (विभागप्रमुख), रोहिदास पवार (शाखा प्रमुख), शिवशंकर स्वामी, सुदाम देहाडे, साहेबराव घोडके, अनंत वराडे, पंटू जाधव, मनोज नर्बदे, रमेश गल्हाटे, आणि इतर कार्यकर्त्यांचा समावेश आहे.
विशेष म्हणजे, आज सकाळी या ३५ जणांनी शिवसेनेच्या प्राथमिक सदस्यत्वाचे राजीनामे दिले आणि दुपारी औपचारिकरित्या भाजपमध्ये प्रवेश केला.
भाजपचा दावा:
भाजपने या प्रवेशाला मोठे यश मानत सांगितले की, छत्रपती संभाजीनगर महापालिकेत भाजपला या प्रवेशामुळे मोठा फायदा होईल.
शिवसेनेच्या गळतीवर प्रश्नचिन्ह:
शिवसेना ठाकरे गटातील ही मोठी गळती महापालिका निवडणुकीपूर्वी पक्षासाठी मोठे आव्हान ठरणार आहे. आता पक्ष नेतृत्वाने या गळतीवर कसा आळा घालायचा, याकडे सर्वांचे लक्ष लागले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/LJKkgCKh4n33MLqeQ0zqD2
*जाहिरातीसाठी_संपर्क करा 8329014805*