विधानसभा निवडणुकीच्या पार्श्वभूमीवर पोलीस दलात बदल्यांचे वारे वाहू लागले आहेत. मंगळवारी (६ ऑगस्ट) रात्री १६ अधिकाऱ्यांच्या बदल्या करण्यात आल्या. यात पोलीस अधीक्षक, उपायुक्त श्रेणीतील अधिकारी आहेत. छत्रपती संभाजीनगरच्याही काही अधिकाऱ्यांचा समावेश आहे.
संदीप पालवे, जो सध्या छत्रपती संभाजीनगरला दहशतवादविरोधी पथकाच्या पोलीस अधीक्षकपदी होते, त्यांची बदली लाचलुचपत प्रतिबंधक विभागाचे पोलीस अधीक्षक म्हणून करण्यात आली आहे.
मीना मकवाणा, छत्रपती संभाजीनगरला राज्य गुप्तवार्ता विभागाचे उपायुक्त होते. त्यांची बदली ठाणे शहरात पोलीस उपायुक्त म्हणून झाली आहे.
छत्रपती संभाजीनगरच्या राज्य गुप्तवार्ता विभागाची सूत्रे उपायुक्त म्हणून लता पाटलोबा फड यांच्याकडे आली आहेत. त्या आधी पुण्यात महामार्ग सुरक्षा पथकाच्या पोलीस अधीक्षक होत्या.
छत्रपती संभाजीनगरच्या नागरी हक्क संरक्षण विभागाच्या पोलीस अधीक्षक रुपाली पोपटराव दरेकर यांची बदली छत्रपती संभाजीनगरलाच महामार्ग सुरक्षा रक्षक पोलीस अधीक्षक म्हणून झाली आहे.
अनिता जामदार यांच्याकडे छत्रपती संभाजीनगरच्या महामार्ग सुरक्षा पथकाची जबाबदारी होती, त्यांच्याकडे आता छत्रपती संभाजीनगरच्याच नागरी हक्क संरक्षण विभागाची जबाबदारी पोलीस अधीक्षक म्हणून आली आहे.
रोहिदास पवार यांची बदली छत्रपती संभाजीनगरला पोलीस उपायुक्त म्हणून झाली आहे. ते पुण्यात पोलीस उपायुक्त होते.
सचिन गुंजाळ यांची बदली दहशतवाद विरोधी पथकाचे पोलीस अधीक्षक म्हणून छत्रपती संभाजीनगरात झाली आहे. ते आधी ठाणे शहरात पोलीस उपायुक्त होते.
या बदल्यांमुळे पोलीस दलात नव्या जबाबदाऱ्या येतील, तसेच अधिकाऱ्यांना नव्या कार्यक्षेत्रात काम करण्याची संधी मिळेल.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/BkL2FgwQUTO5Drq9ffF9RJ
*जाहिरातीसाठी_संपर्क करा 8329014805*