छत्रपती संभाजीनगर : टोयोटा, जेएसडब्ल्यू, अथर, लिब्रेझोल, पिरामल, कॉस्मोनंतर आता कोरियन कंपनी डीएमआयसीमध्ये पंधरा हजार कोटींची गुंतवणूक करणार आहे. इतर उद्योगांप्रमाणे करार झाल्यानंतर अधिकृत घोषणा केली जाईल, असे माहिती मंत्री अतुल सावे यांनी दिली. त्यांनी सांगितले की, शहर परिसरात होणाऱ्या गुंतवणुकीमुळे दर्जेदार पायाभूत सुविधा देण्याची जबाबदारी वाढली आहे.
मंत्री सावे यांनी स्पष्ट केले की, शहर परिसरातील एक लाख कोटींपेक्षा अधिक गुंतवणुकीमुळे सरळ 50 हजार तरुणांना रोजगार मिळेल, तर व्यवसायातून अडीच लाख रोजगार उपलब्ध होतील. संभाजीनगर शहर भविष्यात इलेक्ट्रिक व्हेइकलचे महत्त्वाचे हब होणार असून, यामुळे उद्योग आणि रोजगार निर्मितीच्या संधी मोठ्या प्रमाणावर वाढणार आहेत.
यावेळी क्रेडाई ड्रिमहोम प्रदर्शनाचे उद्घाटन सावे यांच्या हस्ते करण्यात आले. तसेच, क्रेडाई महिला विंगच्या वतीने बिडकीन येथील सभु प्रशालेच्या 271 मुलींना सायकलींचे वितरण करण्यात आले.
मंत्री सावे यांनी सांगितले की, परदेशी गुंतवणुकीमुळे आतापर्यंत 51 हजार कोटींचे अँकर प्रोजेक्ट सुरू झाले असून, 50 हजार कोटींचे ॲन्सीलरी उद्योग येत असल्याने एकूण गुंतवणूक एक लाख कोटींपेक्षा अधिक होईल. या गुंतवणुकीमुळे शहरातील युवकांसाठी रोजगाराच्या संधी उपलब्ध होतील आणि आर्थिक विकासास गती मिळेल.
या कार्यक्रमात राष्ट्रीय महिला आयोगाच्या अध्यक्षा विजया रहाटकर, आ. अनुराधा चव्हाण, राजेंद्रसिंग जबिंदा आणि खैरनार उपस्थित होते. गुंतवणुकीमुळे शहराची औद्योगिक प्रतिमा उंचावेल आणि भविष्यात इलेक्ट्रिक व्हेइकल हब म्हणून संभाजीनगर देशभर ओळखले जाईल.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/KlbV2BdtEZ4Fbi6usVHmPo?mode=ems_copy_t
*जाहिरातीसाठी_संपर्क करा 8329014805*