छत्रपती संभाजीनगर महापालिकेसाठी २०२६-२७ या कालावधीसाठी एआयएमआयएम पक्षाच्या स्वीकृत (को-ऑप्ट) नगरसेवकांची घोषणा करण्यात आली आहे. पक्षाचे अध्यक्ष Asaduddin Owaisi यांनी सोशल मीडिया प्लॅटफॉर्म ‘X’ वरून ही माहिती जाहीर केली.
या घोषणेनुसार, मोहम्मद असरार, शेख अहमद आणि कुणाल गौतम खरात यांची स्वीकृत सदस्य म्हणून निवड करण्यात आली आहे. या तिन्ही सदस्यांमुळे महापालिकेत एआयएमआयएमचा आवाज अधिक मजबूत होणार असल्याचे मानले जात आहे. स्थानिक पातळीवर काम करणाऱ्या या कार्यकर्त्यांना पक्षाने संधी दिल्याने कार्यकर्त्यांमध्ये उत्साहाचे वातावरण निर्माण झाले आहे.
नवनियुक्त सदस्यांना शुभेच्छा देताना ओवैसी यांनी त्यांच्याकडून पक्षाच्या धोरणांची प्रभावी अंमलबजावणी आणि नागरिकांच्या प्रश्नांवर ठोस भूमिका मांडली जाईल, असा विश्वास व्यक्त केला. शहरातील विविध नागरी प्रश्न, पायाभूत सुविधा, तसेच अल्पसंख्याकांच्या प्रश्नांवर हे सदस्य काम करतील, अशी अपेक्षा व्यक्त होत आहे.
दरम्यान, आगामी काळात महापालिकेच्या कामकाजात या सदस्यांची भूमिका महत्त्वाची ठरणार असून शहराच्या विकासात त्यांचा सहभाग कसा राहतो, याकडे सर्वांचे लक्ष लागले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/KuJrJlfinbj4dlldQCNIAb?mode=gi_t
*जाहिरातीसाठी_संपर्क करा 8329014805*