🎓 उद्या लागणार दहावीचा निकाल; दुपारी १ वाजता ऑनलाईन पाहता येणार

छत्रपती संभाजीनगर : महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात आलेल्या इयत्ता दहावीच्या परीक्षेचा निकाल अखेर उद्या, ८ मे रोजी जाहीर होणार आहे. निकालाची आतुरतेने वाट पाहणाऱ्या लाखो विद्यार्थ्यांसह पालकांची प्रतीक्षा आता संपणार असून, दुपारी १ वाजल्यापासून विद्यार्थ्यांना ऑनलाईन निकाल पाहता येणार आहे.

फेब्रुवारी आणि मार्च २०२६ दरम्यान राज्यभरात दहावीच्या परीक्षा पार पडल्या होत्या. पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत परीक्षा घेण्यात आल्या होत्या. यावर्षी मोठ्या संख्येने विद्यार्थ्यांनी परीक्षा दिली असल्याने निकालाकडे संपूर्ण राज्याचे लक्ष लागले आहे.

निकाल जाहीर होण्यापूर्वी सकाळी ११ वाजता राज्य मंडळाच्या कार्यालयात अधिकृत पत्रकार परिषद आयोजित करण्यात आली आहे. या परिषदेत निकालाची टक्केवारी, विभागनिहाय निकाल, गुणवत्ता यादीसह इतर महत्त्वाची माहिती जाहीर केली जाणार आहे. त्यानंतर दुपारी १ वाजल्यापासून विद्यार्थ्यांना ऑनलाईन निकाल पाहण्याची सुविधा उपलब्ध करून देण्यात येणार आहे.

विद्यार्थ्यांना आपला निकाल पाहण्यासाठी अधिकृत संकेतस्थळावर जाऊन सीट नंबर आणि आईचे नाव टाकावे लागणार आहे. त्यानंतर ‘VIEW RESULT’ या पर्यायावर क्लिक केल्यास निकाल स्क्रीनवर दिसेल. विद्यार्थ्यांनी निकालाची प्रिंट काढून ठेवण्याचे आवाहनही करण्यात आले आहे.

दहावीचा निकाल पाहण्यासाठी विद्यार्थ्यांना पुढील संकेतस्थळांचा वापर करता येणार आहे –

Mahresult

DigiLocker Results

MKCL SSC Result

Maharashtra State Board

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/IFiUHSaNdeRHc992rS9iqG?mode=gi_t

*जाहिरातीसाठी_संपर्क करा 8329014805*