🌳 ‘वन ट्री लेक’ची ओळखच संपली! बुद्ध लेणी परिसरातील प्रसिद्ध एकाकी झाडाची अज्ञातांकडून तोड; संभाजीनगरकरांमध्ये संताप, पर्यावरणप्रेमींनी लावले नवे रोपटे

Jul 27, 2026 ##AurangabadCaves, ##GreenIndia, ##MarathiNews, ##NatureConservation, ##OneTreeLake, ##SaveEnvironment, ##SaveTrees, ##छत्रपतीसंभाजीनगर, ##वृक्षसंवर्धन, #पर्यावरण

छत्रपती संभाजीनगर : औरंगाबाद बुद्ध लेणी परिसरातील तलावाच्या काठावर एकटे उभे असलेले आणि ‘वन ट्री लेक’ म्हणून प्रसिद्ध असलेले झाड अज्ञात व्यक्तींनी तोडल्याची धक्कादायक घटना समोर आली आहे. शहरातील ट्रेकर्स, छायाचित्रकार आणि पर्यटकांसाठी आकर्षण ठरलेल्या या झाडाची तोड झाल्याचे रविवारी सकाळी ट्रेकिंगसाठी गेलेल्या नागरिकांच्या निदर्शनास आले. ही माहिती सोशल मीडियावर वेगाने पसरताच पर्यावरणप्रेमी आणि नागरिकांनी तीव्र संताप व्यक्त केला.

तलावाच्या काठावर अनेक वर्षांपासून एकटे उभे असलेले हे झाड ‘वन ट्री लेक’ची ओळख बनले होते. सूर्योदय, सूर्यास्त, पावसाळ्यातील धुके आणि निसर्गरम्य वातावरणात या झाडासोबत हजारो छायाचित्रे आणि असंख्य रील्स तयार करण्यात आल्या होत्या. त्यामुळे हे ठिकाण शहरातील लोकप्रिय पर्यटनस्थळांपैकी एक बनले होते. मात्र, एका कुन्हाडीच्या घावात या झाडाचा अंत झाल्याने निसर्गप्रेमींमध्ये हळहळ व्यक्त होत आहे.

घटना उघडकीस आल्यानंतर पर्यावरणप्रेमी आणि ट्रेकर्सनी घटनास्थळी नवीन रोपटे लावून संवर्धनाचा संदेश दिला. “झाडे तोडणाऱ्यांपेक्षा झाडे लावणाऱ्यांची संख्या वाढली पाहिजे,” अशी भावना त्यांनी व्यक्त केली.

संभाजीनगर प्लॉगर्सचे संस्थापक निखिल खंडेलवाल यांनी या घटनेबद्दल तीव्र दुःख व्यक्त करत, “एक झाड मोठे होण्यासाठी अनेक वर्षे लागतात; मात्र ते नष्ट होण्यासाठी काही मिनिटे पुरतात. ही घटना पर्यावरणाबद्दलची उदासीनता दर्शवते. नागरिकांनी वृक्षसंवर्धन आणि स्वच्छता मोहिमेत सहभागी होणे गरजेचे आहे,” असे सांगितले.

पर्यावरणप्रेमी अॅड. निरंजन देशपांडे यांनी शहरातील विविध भागांत अवैध वृक्षतोडीच्या घटना वाढत असल्याचा आरोप केला. चिकलठाणा, गरवारे, नगरनाका-दौलताबाद रस्ता, शिवाजीनगर, अजिंठा आणि घाटी परिसरात सातत्याने झाडांची तोड होत असल्याच्या तक्रारी येत असल्याचे त्यांनी नमूद केले. अशा घटनांवर नियंत्रण ठेवण्यासाठी प्रशासनाने कडक पावले उचलून संबंधितांवर कठोर कारवाई करावी, अशी मागणी नागरिकांकडून होत आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/KYaIrqX6xIM3SpZ1FYjFWw?s=cl&p=a&ilr=0

*जाहिरातीसाठी_संपर्क करा 8329014805*

464 Views

संमिश्र

आजचे राशीभविष्य: कोणत्या राशींच्या नशिबात आज प्रगतीचे संकेत? आर्थिक लाभ, करिअरमधील संधी आणि नातेसंबंधांबाबत जाणून घ्या सविस्तर अंदाज

Jul 27, 2026

संमिश्र

आजचे राशीभविष्य : मेष ते मीन राशींसाठी जाणून घ्या नोकरी, व्यवसाय, आर्थिक स्थिती, प्रेमसंबंध आणि आरोग्याबाबतचा दिवस कसा राहणार

Jul 26, 2026

संमिश्र

जायकवाडी धरणाकडे ४८ तासांत १० टीएमसी पाण्याची धाव; नदीकाठच्या गावांना सतर्कतेचा इशारा

Jul 25, 2026

Related Post

जायकवाडी धरणाकडे ४८ तासांत १० टीएमसी पाण्याची धाव; नदीकाठच्या गावांना सतर्कतेचा इशारा

Leave a Reply Cancel reply

You missed

७ लाखांच्या कर्जाचे आमिष; वृद्ध व्यावसायिकाची तब्बल ₹१५.२५ लाखांची सायबर फसवणूक

रोजाबागेत मध्यरात्री तरुणाची निर्घृण हत्या; माजी नगरसेवकाच्या मुलावर आरोप, ७ संशयित ताब्यात