सिल्लोड मतदारसंघाचे आमदार अब्दुल सत्तार यांच्या पत्नी आणि सिल्लोड नगर परिषदेच्या माजी नगराध्यक्षा नफिसाबेगम अब्दुल सत्तार यांचे दुःखद निधन झाले. त्यांच्या निधनाने सिल्लोड शहरासह संपूर्ण छत्रपती संभाजीनगर जिल्ह्यात शोककळा पसरली आहे.
नफिसाबेगम यांनी सामाजिक आणि राजकीय क्षेत्रात स्वतःची स्वतंत्र ओळख निर्माण केली होती. नगर परिषदेच्या नगराध्यक्षा म्हणून कार्यरत असताना त्यांनी शहराच्या विकासासाठी महत्त्वपूर्ण निर्णय घेतले. स्वच्छता, पाणीपुरवठा, रस्ते, नागरी सुविधा आणि महिलांच्या समस्या याकडे त्यांनी विशेष लक्ष दिले. सर्वसामान्य जनतेशी थेट संवाद साधून प्रश्न सोडवण्याची त्यांची कार्यपद्धत नागरिकांमध्ये लोकप्रिय होती.
आमदार अब्दुल सत्तार यांच्या राजकीय प्रवासात नफिसाबेगम यांचे योगदान मोलाचे होते. कुटुंबाची जबाबदारी सांभाळत त्यांनी प्रत्येक संघर्षात पतीला खंबीर साथ दिली. त्यांच्या निधनामुळे सत्तार कुटुंबीयांवर दुःखाचा डोंगर कोसळला असून नागरिकांनीही आपला एक आधारवड गमावल्याची भावना व्यक्त केली आहे.
नफिसाबेगम यांचे पार्थिव आज सिल्लोड येथील निवासस्थानी अंत्यदर्शनासाठी ठेवण्यात येणार असून सकाळी १० वाजता अंत्यविधी पार पडणार आहेत. राजकीय, सामाजिक आणि शैक्षणिक क्षेत्रातून श्रद्धांजली अर्पण केली जात आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/LC9pzB4lHXXKDuIr4cUPAq?mode=gi_t
*जाहिरातीसाठी_संपर्क करा 8329014805*