🚑 ‘राह-वीर’ योजना: अपघातातील जखमींना मदत करणाऱ्यांना २५ हजारांचे बक्षीस

छत्रपती संभाजीनगर : रस्ते अपघातात जखमी झालेल्या व्यक्तींना वेळेवर मदत मिळावी आणि त्यांचे प्राण वाचावेत या उद्देशाने केंद्र सरकारने ‘राह-वीर’ योजना सुरू केली आहे. या योजनेअंतर्गत अपघातानंतरच्या अत्यंत महत्त्वाच्या पहिल्या एक तासात, म्हणजेच ‘गोल्डन अवर’मध्ये जखमींना रुग्णालयात पोहोचवणाऱ्या नागरिकांना २५ हजार रुपयांचे रोख बक्षीस आणि प्रशस्तीपत्र देऊन सन्मानित करण्यात येणार आहे.

प्रादेशिक परिवहन अधिकारी विजय काठोळे यांनी दिलेल्या माहितीनुसार, या उपक्रमामुळे अपघातस्थळी मदत करण्यासाठी नागरिकांना प्रोत्साहन मिळणार आहे. अनेकदा पोलिस चौकशी, कोर्टाच्या प्रक्रियेची भीती यामुळे लोक मदतीपासून दूर राहतात. मात्र, मोटार वाहन (सुधारणा) कायदा २०१९ अंतर्गत मदत करणाऱ्या व्यक्तींना पूर्ण कायदेशीर संरक्षण देण्यात आले असून त्यांना कोणत्याही प्रकारच्या अनावश्यक चौकशीसाठी किंवा जबाबासाठी भाग पाडले जाणार नाही.

अपघातानंतरचा पहिला तास ‘गोल्डन अवर’ म्हणून ओळखला जातो. याच कालावधीत योग्य उपचार मिळाल्यास जखमींचे प्राण वाचवण्याची शक्यता मोठ्या प्रमाणात वाढते. उपलब्ध आकडेवारीनुसार, रस्ते अपघातांमधील सुमारे ५७ टक्के मृत्यू दुचाकीस्वारांचे, तर २१ टक्के मृत्यू पादचाऱ्यांचे होतात. त्यामुळे या योजनेचे महत्त्व अधिक अधोरेखित होते.

या योजनेत केवळ आर्थिक मदतच नव्हे, तर राष्ट्रीय स्तरावर गौरवाची संधीही आहे. वर्षभरात देशभरातून निवडल्या जाणाऱ्या १० उत्कृष्ट ‘राह-वीर’ना १ लाख रुपयांचा विशेष पुरस्कार देण्यात येणार आहे. तसेच जिल्हाधिकाऱ्यांच्या स्वाक्षरीचे प्रशस्तीपत्रही दिले जाईल.

अपघातग्रस्ताला मदत केल्यानंतर संबंधित व्यक्तीला पोलिस किंवा रुग्णालय प्रशासनाकडून अधिकृत पोचपावती दिली जाईल. त्यानंतर जिल्हास्तरीय समितीकडून प्रस्तावाची तपासणी होऊन राज्य समितीकडे शिफारस केली जाईल. मंजुरीनंतर बक्षिसाची रक्कम थेट लाभार्थ्यांच्या बँक खात्यात जमा केली जाणार आहे.

ही योजना केवळ बक्षीसासाठी नसून, अपघातग्रस्तांना तत्काळ मदत मिळवून देण्यासाठी समाजातील संवेदनशीलता वाढवणारा एक महत्त्वपूर्ण उपक्रम ठरत आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/IFiUHSaNdeRHc992rS9iqG?mode=gi_t

*जाहिरातीसाठी_संपर्क करा 8329014805*

321 Views

🚑 ‘राह-वीर’ योजना: अपघातातील जखमींना मदत करणाऱ्यांना २५ हजारांचे बक्षीस

Related Post

वेरूळ लेणीत मधमाशांचा हल्ला; 100 पर्यटक जखमी, परिसरात घबराट

राज्यात बारावीचा निकाल जाहीर, पुन्हा मुलींनी मारली बाजी; ९४ टक्के निकालासह कोकण विभाग अव्वल

टेंभापुरी धरणात दुर्दैवी घटना; पोहायला गेलेल्या तिघांचा बुडून मृत्यू

Leave a Reply Cancel reply

You missed

🚑 ‘राह-वीर’ योजना: अपघातातील जखमींना मदत करणाऱ्यांना २५ हजारांचे बक्षीस

वेरूळ लेणीत मधमाशांचा हल्ला; 100 पर्यटक जखमी, परिसरात घबराट

एमजीएम रुग्णालयात डॉक्टरांवर सलग दोन हल्ले; नातेवाईकांकडून मारहाण, जीवे मारण्याच्या धमक्या

राज्यात बारावीचा निकाल जाहीर, पुन्हा मुलींनी मारली बाजी; ९४ टक्के निकालासह कोकण विभाग अव्वल