छत्रपती संभाजीनगर शहरातील सिडको पोलीस ठाण्यात एक धक्कादायक घटना उघडकीस आली आहे. एक किरकोळ कारण म्हणजे पार्सल देण्यास उशीर झाल्यामुळे, सिडको पोलीस ठाण्याच्या कर्मचारी जीवन शेजवळने एका डिलिव्हरी बॉयला बेदम मारहाण केली. या मारहाणीत डिलिव्हरी बॉय जितेंद्र मानके (३०) गंभीर जखमी झाला असून, त्याचे ओठ फाटले आहेत आणि अंगावर लाठ्यांचे व्रण दिसत आहेत.
सोमवारी, जितेंद्रने सकाळी ११ वाजल्यापासून पार्सल वितरित करण्याचे काम सुरू केले होते. पावसामुळे झालेल्या उशिरामुळे, शेजवळने चार वेळा त्याला फोन करून संपर्क साधला. अखेरीस, दुपारी २:३० वाजता, आविष्कार कॉलनीत पोहोचल्यावर शेजवळने शिवीगाळ करत त्याच्यावर फायबरची काठी वापरून हल्ला केला.
या प्रकारामुळे जितेंद्रला गंभीर दुखापत झाली असून, स्थानिकांनी घटनास्थळी धाव घेत त्याची सुटका केली. या घटनेची दखल वरिष्ठ पोलीस अधिकारी नवनीत काँवत यांनी घेतली असून, शेजवळवर गुन्हा दाखल करण्यात आला आहे. त्याच्यावर निलंबनाची प्रक्रिया देखील सुरू करण्यात आली आहे.
या घटनेने शहरात खळबळ माजली असून, संबंधित पोलीस कर्मचाऱ्याविरुद्ध कडक कारवाईची मागणी होत आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/BkL2FgwQUTO5Drq9ffF9RJ
*जाहिरातीसाठी_संपर्क करा 8329014805*