📢 मालकाचा फोटो डीपीला लावून २० लाखांची फसवणूक; कंपनीच्या अकाऊंटंटला व्हॉट्सअॅपवरून बनावट सूचना

Aug 3, 2026 ##AurangabadNews, ##BreakingNews, ##ChhatrapatiSambhajinagar, ##CrimeNews, ##CyberCrime, ##cyberfraud, ##cybersafety, ##DigitalFraud, ##MaharashtraNews, ##OnlineFraud, ##RTGSFraud, ##StayAlert, ##TheChhatrapatiSambhajinagarNews, ##WhatsAppScam, ##गुन्हेवार्ता, ##छत्रपतीसंभाजीनगर, ##महाराष्ट्र, ##व्हॉट्सअॅपफसवणूक, ##सायबरगुन्हा, ##सायबरफसवणूक

छत्रपती संभाजीनगर : सायबर गुन्हेगारांनी कंपनीच्या मालकाचा फोटो व्हॉट्सअॅप डीपीवर ठेवून स्वतःला मालक असल्याचे भासवत कंपनीच्या अकाऊंटंटकडून तब्बल २० लाख रुपये आरटीजीएसद्वारे ट्रान्सफर करून घेतल्याची धक्कादायक घटना छत्रपती संभाजीनगरात उघडकीस आली आहे. या प्रकरणी सायबर पोलिसांकडे तक्रार करण्यात आली असून त्यानंतर वेदांतनगर पोलिस ठाण्यात गुन्हा नोंदविण्यात आला आहे.

फिर्यादी चिदेश हर्षवर्धन जैन यांनी दिलेल्या माहितीनुसार, त्यांच्या कंपनीत भीमराव म्हस्के हे गेल्या १५ वर्षांपासून अकाऊंटंट म्हणून कार्यरत आहेत. जैन हे २६ जुलै रोजी व्यावसायिक कामानिमित्त बंगळुरूला गेले होते आणि २९ जुलै रोजी परतल्यानंतर हा प्रकार उघडकीस आला.

दरम्यान, २७ जुलै रोजी एका अज्ञात मोबाईल क्रमांकावरून व्हॉट्सअॅपवर जैन यांच्या फोटोसह संदेश पाठवण्यात आला. त्या संदेशात कंपनीच्या खात्यातील शिल्लक तपासून युनिटी स्मॉल फायनान्स बँकेच्या खात्यावर प्रथम ३० लाख रुपये आणि त्यानंतर रक्कम बदलून २० लाख रुपये तातडीने आरटीजीएसद्वारे पाठवण्याच्या सूचना देण्यात आल्या होत्या. डीपीवर मालकाचाच फोटो असल्याने आणि संदेश खरे असल्याचा विश्वास बसल्याने अकाऊंटंटने कोणतीही दूरध्वनीद्वारे खातरजमा न करता २० लाख रुपये संबंधित खात्यावर वर्ग केले.

२९ जुलै रोजी अकाऊंटंट स्वाक्षरीसाठी आरटीजीएसचा फॉर्म घेऊन आल्यानंतर जैन यांनी अशी कोणतीही सूचना दिली नसल्याचे स्पष्ट केले. त्यानंतर संपूर्ण प्रकार उघडकीस आला आणि तातडीने सायबर पोलिसांकडे धाव घेण्यात आली.

सायबर पोलिसांनी तक्रार प्राप्त होताच तातडीने कारवाई करत संशयित खात्यातील साडेचार लाख रुपये गोठवले असून ते परत मिळवून देण्याची प्रक्रिया सुरू आहे. या घटनेत मोठ्या आर्थिक व्यवहारांपूर्वी संबंधित व्यक्तीशी प्रत्यक्ष दूरध्वनीद्वारे पडताळणी करणे किती महत्त्वाचे आहे, हे पुन्हा एकदा अधोरेखित झाले आहे. तसेच एवढ्या मोठ्या रकमेच्या व्यवहारावेळी बँकेकडूनही अतिरिक्त पडताळणी झाली नसल्याने प्रश्नचिन्ह उपस्थित केले जात आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/KYaIrqX6xIM3SpZ1FYjFWw?s=cl&p=a&ilr=0

*जाहिरातीसाठी_संपर्क करा 8329014805*

430 Views

संमिश्र

🌞 दिवसाची सुरुवात करण्यापूर्वी एकदा नक्की वाचा! ३ ऑगस्ट २०२६ चे राशीभविष्य सांगेल आजचा दिवस तुमच्यासाठी किती शुभ ठरणार आहे.

Aug 3, 2026

संमिश्र

एसटी महामंडळाला विठुरायाची कृपा; पंढरपूर वारीतून कोटींचे विक्रमी उत्पन्न, ९ लाखांहून अधिक भाविकांचा सुरक्षित प्रवास

Aug 2, 2026

संमिश्र

‘पेन्शन कार्ड’च्या आमिषाने ८२ वर्षीय ज्येष्ठ नागरिकाची ७.२० लाखांची सायबर फसवणूक; वृद्धांनी सावध राहण्याचे आवाहन

Aug 2, 2026

📢 मालकाचा फोटो डीपीला लावून २० लाखांची फसवणूक; कंपनीच्या अकाऊंटंटला व्हॉट्सअॅपवरून बनावट सूचना

Related Post