खुलताबाद येथे जर-जरी-जर-बक्ष उरूस आणि ईद-ए-मिलादनिमित्त भाविकांची मोठी गर्दी होणार असल्यामुळे धुळे-सोलापूर महामार्गावरील अवजड वाहतुकीत बदल करण्यात आला आहे. पोलिस अधीक्षक डॉ. विनयकुमार राठोड यांनी या बदलाबाबत आदेश जारी केले आहेत.
येत्या सोमवार पासून ते शुक्रवार (ता. २०) दरम्यान खुलताबादमध्ये जर-जरी-जर-बक्ष उरूस होणार आहे. तसेच, १६ सप्टेंबर रोजी ईद-ए-मिलाद आहे. यानिमित्त ‘पैरहन मुबारक’ दर्शनासाठी भाविकांची मोठी गर्दी होणार आहे. या काळात धुळे-सोलापूर महामार्गावरील अवजड वाहतूक सायंकाळी ६ ते सकाळी ८ या वेळेत मार्गात बदल करण्यात येणार आहेत.
वाहतूक मार्गातील बदल:
1. फुलंब्रीकडून कन्नड व धुळ्याकडे जाणारी वाहतूक
छत्रपती संभाजीनगर – शरणापूर फाटा – माळीवाडा – वरझडी – कसाबखेडा – देवगाव रंगारी – शिऊर – तलवाडा घाट मार्गे चाळीसगाव व धुळ्याकडे जाईल.
2. धुळे व कन्नडकडून फुलंब्रीकडे येणारी वाहतूक
तलवाडा घाट – शिऊर – देवगाव रंगारी – कसाबखेडा – वरझडी – माळीवाडा – छत्रपती संभाजीनगर मार्गे फुलंब्रीकडे जाईल.
3. छत्रपती संभाजीनगर खुलताबादमार्गे चाळीसगाव – धुळेकडे जाणारी वाहतूक
छत्रपती संभाजीनगर – माळीवाडा – कसाबखेडा फाटा – देवगाव रंगारी – शिऊर – तलवाडा घाट मार्गे चाळीसगाव कडे जाईल.
4. धुळे, चाळीसगावकडून खुलताबादमार्गे छत्रपती संभाजीनगरकडे जाणारी वाहतूक
तलवाडा घाट – शिऊर – देवगाव रंगारी – कसाबखेडा फाटा – वरझडी – माळीवाडा मार्गे छत्रपती संभाजीनगरकडे जाईल.
5. वेरूळ, खुलताबादकडून फुलंब्रीकडे जाणारी वाहतूक
वेरूळ – कसाबखेडा फाटा – माळीवाडा मार्गे छत्रपती संभाजीनगरकडे जाईल.
या आदेशानुसार सर्व वाहतूकदारांनी व नागरिकांनी दिलेल्या मार्गदर्शनानुसार वाहनांची योग्य व्यवस्थापन करणे आवश्यक आहे, असे पोलिसांनी सांगितले आहे.
________________________
*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*
https://chat.whatsapp.com/L5VeaWe1xj1HEg4MmTSJ2Q
*जाहिरातीसाठी_संपर्क करा 8329014805*