🔪 प्रेमप्रकरणातून मित्राचा खून; वाळुज पोलिसांची धडाकेबाज कारवाई – आरोपी चार तासांत परभणीहून अटकेत 🔪

छत्रपती संभाजीनगर : प्रेम प्रकरणातील वादातून जिवलग मित्राचा चाकूने भोसकून खून केल्याच्या घटनेनंतर अवघ्या चार तासांत वाळुज पोलिसांनी आरोपींना परभणी येथे पकडत धडाकेबाज कारवाई केली. बुधवारी (दि. ८) रात्री आठच्या सुमारास लांझी रस्त्यावरील नारायणनगर येथील शिवराई गावाजवळ ही घटना घडली होती. या हल्ल्यात प्रथमेश उर्फ बंटी प्रभाकर गायकवाड (वय २०, रा. नारायणनगर) याचा जागीच मृत्यू झाला. पोलिसांनी या प्रकरणात दोन आरोपींना अटक केली आहे.

अटक आरोपींची नावे रितेश सुनिल नरवडे (वय २१, रा. नारायणनगर, वाळुज, ता. गंगापुर) आणि प्रदीप बाबासाहेब सुकासे (वय १९, रा. झेंडा मैदान, ता. गंगापुर) अशी आहेत. दोघेही बालपणापासून मृत प्रथमेशचे मित्र होते. प्रेम प्रकरणातून वैमनस्य निर्माण झाल्याने वाद वाढत गेला आणि अखेर बुधवारी रात्री या दोघांनी मिळून प्रथमेशचा चाकूने वार करून खून केला.

घटनेची माहिती मिळताच वाळुज पोलीस ठाण्याचे पथक घटनास्थळी पोहोचले. तांत्रिक विश्लेषण, सीसीटीव्ही तपास आणि गुप्त बातमीदारांच्या मदतीने आरोपींचे लोकेशन ट्रेस करण्यात आले. रात्रभर शोध घेत अखेर सकाळी आठच्या सुमारास परभणी रेल्वे स्टेशनवरून दोन्ही आरोपींना ताब्यात घेण्यात आले.

या घटनेचा पुढील तपास पोलीस निरीक्षक राजेंद्र सहाणे यांच्या मार्गदर्शनाखाली सुरू आहे. ही कामगिरी पोलीस आयुक्त प्रविण पवार, पोलीस उपायुक्त पंकज अतुलकर आणि सहायक पोलीस आयुक्त संजय सानप यांच्या मार्गदर्शनाखाली पार पडली.

कारवाईत पोलीस निरीक्षक राजेंद्र सहाणे, पोलीस उपनिरीक्षक अजय शितोळे, रमेश राठोड, संदिप वाघ, नारायण बुट्टे, विजय पिंपळे, सुधाकर पाटील, नितीन धुळे, संदिप धनेधर, शेख गफ्फार, श्रीकांत सपकाळ, स्नेहलकुमार गवळी तसेच पोलीस मित्र अमन शेख आणि किशोर गाडेकर यांनी महत्त्वाची भूमिका बजावली. या वेगवान कारवाईमुळे वाळुज पोलिसांच्या कार्यपद्धतीचे सर्वत्र कौतुक होत आहे.

________________________

*”द छत्रपती संभाजीनगर न्यूज “च्या व्हाट्सएप ग्रुप मध्ये जॉईन होण्यासाठी खालील लिंकवर क्लीक करा….*

https://chat.whatsapp.com/Ii8cI59VTTI77JxAW1zpnq?mode=ems_copy_t

*जाहिरातीसाठी_संपर्क करा 8329014805*